ذيبٍ عواء وأثر على القلب بعواه = وجدد على الروح الشقيه عناها
قلبي من الحرمان والهجر جاراه = وحتى الضلوع العوج جرت عواها
ومن ضيقةٍ فالصدر قلت آه ويلاه = وأنه وفي صدري تكسر صداها
على حبيبٍ ذقت أنا حر فرقاه = والحال من فرقاه طول شقاها
مرت ثلاث اسنين وأنا برجواه = واليوم حالي ميسه من رجاها
خاب الرجاء والياس دونه طويناه = وغابت نجومي واختفت من سماها
ارسل رساله لي كتبها بيمناه = وصورة تبين حزنها مع بكاها
ارسالتن فيها جميع المعاناه = فيها عذابوتبكي اللي قراها
عزاه من فرقاه عزاه عزاه = والروح عقبه كيف يجبر عزاها
مهما يطول الوقت لا يمكن انساه = والله لاموت وخاطري ما نساها
والله من ليلن لحالي سهرناه = ارقب وعدها واتسمع خطاها
والله من دمعٍ عليها نثرناه = لو تشربه كل الضوامي سقاها
وش خانتالدنيا بعيني بلياه = وش خانت أرضٍ بالقدم ما وطاها
ما غيرها قلبي من الناس يهواه = باموت وارحل والسبب هو غلاها
اخوي شبل عصيم صح لسانك قصيده جزله من شاعر عرف بالجزاله
عزاه من فرقاه عزاه عزاه
والنفس عقبه كيف يجبر عزاها
الله الله هذا البيت له موسيقى خاصه ابدعت في صياغته
رغم ان لي تحفظ على احد ابيات القصيده وذالك ربما خطاء املائي مماجعل الشطر غير متراكب لغويا وهو ...
(الله من ليلن لحالي "" سهرناه ) جاء لحالي اثبات للأفراد ولفظ سهرناه اثبات للجمع هذا مجرد رأي
اخوي شبل عصيم دمت بخير منتديات الموازين الرسميه