على طريق المجمعه شفت خلي = وسط الشبح يوم الشبح سايقه طاف
شبح كويتي مصدره من حولي = واللي ذبحني فالشبح راكب إخلاف
نظرة عيونه تلت القلب تلي = وحمر الشفايف خلت القلب يلاف
حاولت أبي رقمه لكن ماحصلي = الخط زحمه خايف الوضع ينشاف
والشرت والسواق شفته فطلي = وصديت خايف لو ماني بخواف
ياعين حر فالطويل امتعلي = حر عديم ونادر ماله أوصاف
الرمش جايله على الخد ضلي = صفة جنود قدم الاركان وقاف
والخد برق خياله المستهلي = براق وسم له مع الليل رفراف
والخشم سيف فالمعارك يسلي = وسنون صف كل برد بيض وانضاف
وجدايل من فوق متنه تهلي = تضفي على الامتان زاف على زاف
والبطن وصفه كل قمر يوم هلي = والثوب في ممشاه تطويه الارداف
هاذي وصايف صاحبي يوم أحلي = حاولت أوصفها وهي كلها أوصاف