قصيده للشاعر ناصر هوشان الزنغوب موجها للشاعر مليح سامر

قصيده قالها الشاعر ناصر هوشان الزنغوب
موجها للشاعر مليح سامر الشاطري

1423ه/12/4

مااقول انا شاعر وبالاشعار ماهر=لكن اعرف الشعر واعرف معانيه
الشعر وصفه مثل وصف الجواهر=مثل الذهب والماس تنضم قوافيه
ماغاب نجمه بالنجوم السواهر= لكن ظلام الوقت يمكن يغطيه
الوقت قام يميل لاهل المظاهر=واللي يخلط الشعر خلطه يهديه
وبمكسراته فالجرايد يظاهر=ونسي اللحن والوزن وازرى يغنيه
ساق الشعر مكسور كسر المزاهر=ماينجبر لو يم لندن نوديه
واليا اشتهر مشهور يغتاض شاهر=اللي بليا زرع تسنى سوانيه
والفرق بين الامس واليوم ظاهر=ماكل شاعر باسم شاعر نسميه
وغير البحور المالحه والنواهر=يوجد بحر معروف ترسي موانيه
وقام يتربص فيه جاهل وعاهر =وليا سلم عشرين ميه غدوا فيه
شان وتلوث عقب ماكان طاهر= لاوالله الا غثرب الوقت صافيه
واللي يغوصه صد والامر باهر= قام يتحادى عنه من شي حاديه
والشاطر الماهر كتب للمواهر=عن اخر التاريخ مدري مباديه
وسموه أديب الشعر وجاك في عهد زاهر=ماعنده الا سبحته في مخابيه
وكفوفه الثنتين ماهي طواهر= كف(ن) بلا حنا وكف(ن) محنيه
وصب المرق فوق الشحم بالمصاهر=لعل بقعى تصهره ثم تشويه
والحايمات الطايرات الشواهر= مرمي بعضهن لو زانت مراميه
يامليّح السامر طلع بالمجاهر=اسمن جديد وكلمة الحق تلغيه
ويطلع قمر ويغيب والجدي ساهر=ياللي تعرف الجدي واللي تسريه
ترى الثلاث الموجعات القواهر=مابه جمل يبرك لهن لو تثنيه
احر من ضرب الفشق بالاباهر=للي ضمير طاعت الله تغذيه
وبعض الاوادم يدهر فيه داهر=ماله علاج الا مع الراس تكويه
اقهر لي المظهور وازهل ظواهر=والله لحفظ عيارها في علابيه
ويحرم عليّه سوق حرم المباهر=ان كان قولي يا ابيض الوجه ماحميه

صح لسان ابو فواز

ولا اعرف سبب هذه القصيده مع علمي الاكيد بأنهم اصدقاء

صح بدنك

والله وانا اخوك ان مليّح البارح هو والشايب متعشين مع بعض

ولا بينهم الا كل خير

تشرفت الصفحه بتواجدك

تعديل

سموه اديب وجاك في عهد زاهر

,,,,,

ياللي تعرف الجدي والليل تسريه

صح لسان الشاعر

ولاهنت على النقل

وشكرا ً.......