ماهي الموقف اللي عرضت فيها اهلك للاحراج؟؟
مره كنا نلعب انا واختي في السطح وكان عند ابوي الله يرحمه واحد من اخوياه بالحوش يتقهون
وكانت معنا كوره بس مو كوره كبيره لا الصغيره الي تجي قاسيه انا ارميها لاختي وهي ترميها لي وهالمره
رميتها الا هي طايحه بالحوش على راس خوي ابوي الله يرحمه وابوي قام يهاوش الي فالسطح ينزل
ماتسمعون الا اصوات رجلينا طع طع وخذنا هواش
ههههههههههاي يا حليك والله يرحم حال الشايب وقتها خخخخ
هل كنت شخص ذو شخصيه قويه أم مغلوب عليه ؟؟
لاكنت قويه ومامقويني الا اخواني كنا قريبين بالعمر من بعض وتذكر كانو جيرانا
مو موازين واذا قالو عن الموازين شي قامت حرب داحس والغبرا وانواع الامدادات والتخطيط
يا طيب ريم طيباه ..بنت ميزان ويلوموني فيك يا ريم يا بتاعت الإمدادات والخطط هههههههههههه
علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
اشكر الاخت ريم ودعوتها لي واكرر اسفي بالتأخير والشكر موصول لصاحبت الموضوع بنت البقوم على هذه الفكره الجميله
والان نبداء في الاجابه على اسئلتكم 1- هل تذكر كم كان وزنكأثناء الولادة ؟؟
الله الله كبر القشعه
2- إيش لعبتك المفضلة وإنتصغير؟؟
التزلج على الجليد اسف قصدي على الصفا
3- نشيد كنت تحبه أياممالطفوله ؟؟
نسيته في الكهوووله
4- شخصيه كرتونيه كنتتحبها ؟؟
عدنان ولينه وكنت خايف من عام الفين لان هذا المسلسل يقول عام2000م تقوم حرب مدمره للارض وبين الشر والخير ههع وعن ارض الاحلام واكتشفت بعدين هذا المسلسل يهودي وان ارض الاحلام هي فلسطين وان الاشرار الي بالفلم هم العرب ياخيبتنا ونستورد افلامهم لابنائنا اللي هم انا ههههههه
كنـت افتح التلفزون بعد رجوعي من المدرسه ويكون مسكر الساعه 2 الظهر واقعد انتظر مقابل الساعه اللي فيه وهي تجي بعد تششششش ثم الساعه الرابعه عصراً السلام الملكي ثم تلاوه من القران الكريم كل هذا ونحن ننتظر الرسوم وتقريباً الخامسه تبداء الرسوم وهي على شكل تقول رسم قلم رصاص(اوهيكل عضمي) وبعد فتره جابو ابو ذنب مدري وش اسمه وكنت اسمع بكلانديزر بس ماشفته (محروم في طفولته منه منقههر )هههه
13- بطفولتك كنت تبكي إذاماجلست بالاول بالطابور اوالفصل ؟؟
لا ما ابكي بس اصر على ان اكون في المقعد الامامي ولا ارتاح الا فيه اما المقاعد الخلفيه فلا احبها
14- عندك لعبه موجوده منصغرك إلى الآلآن ؟ وماهي ؟؟
لايوجـــــــــــــــــــــد
15- وش اكـثـر حلاوة كنـتتحـبهاا ..؟
كل مافي البقاله من حلويات احبها واتذكر مرره من المررات ـ حصلت على 20 ريال(من قدك يااوااد) فحطيتها كلها بحلويات وجيت اشيل الكيس وحصلت ام المعارك على هذا الكيس من اللي كانو معي في البيت وفي سني مما استدعى العنصر النسائي والعنصر النسائي الاحتياطي التدخل لفض هذا الاشتباك المهيـب هههه لاتلوموني يالربع فقد كنت ادافع عن حلاوي بكل ماوتيت من قوهـ واستبسااال مع اني عطيتهم بس ماكفاهم ههههههههه