السلام عليكم ورحمة الله وبركاته
مصافحه أولى لعلها تنال الاستحسان والقبول
ياعين لا تنظرين لبارق لاحي=خليه ياعين صوب الي يواليهم
تبع البروق البعيده يتعب الصاحي=والا المجانين ما تحجر طواريهم
من دون هالبرق اراضي قوم وفلاحي=ان صب وبله حدر بالسيل واديهم
قلته وانا والله ان ماني بمرتاحي=عفر الطوارئ سرت بي في مرابيهم
ماهي بتمثيلة السدحان ومناحي=اهل الخرابيط جعل الله يعافيهم
ان زاد وصفي دموع العين تنساحي=أذهل تقول انهم عندي وأناجيهم
لولا طعونن لجن بالقلب وجراحي=لامد للرجل في الخطوه واباريهم
الهم بصدري مراتع قفر ومراحي=والي يقص الاثر يلقي مواريهم