قصيده جديده للشاعر محمد عامر بن نيف

سقى الله فياض الصُـلب من ضافي الهملـول =سـحــاب ٍ من المـنـشــــا تصــدّق مخايــيـلــــه
مباكـيـر وسـميٍّ من الماء ثــقــيـــل حمـــول =تـلـبـّس سمـا الصـمّـان وارخـى هـمـالـيــلـــــه
دمـاثٍ عـفـــر كــن البـرد فـيـه حـب اللـــول =عــلــى لبـّـــةٍ تــزهــى بعـقـــده وتـزهـي لـــه
تهامى ثـعوله ويـن ما خـلت عـرض وطـول =وســـرّا على الجـيـّـان بـرق ٍ ســرى لـيــلـــــه
مـزون ٍ ســخـيــــه وبـلهـــا بالــغ المفعـــول =على طول لا نـاش البسيـطـــه مـشــا سـيـلــــه
تـقـول إن بارقهــا مـع اثـعـولهـــا موصــول =ليا اوضـا سمـاهـا قامـت الارض توضــي لــه
هميل ٍ بعد غـشــنــه وسـيـل ٍ بعـد شـهـلـــول =وديــم ٍ يعقب السـيــل خمســـة عشـــر ليـلــــه
تقل مسحب الماء في وطا الوادي المسـيــول =عـثاكيـل رعـبــوبٍ مـنــّـقــض عـثـاكـيــلـــــه
تجـلا السـمـاء والمــزن قـام إيحــدا ويــزول =تـقــافــا كما اســراب الغرانـيــق افـالـيــلــــــه
وشعشع شروق الصبح واستـشـرق المبلــول =وبـدا النمـل فالمـشـراق يـنـشــر محاصيـلــــه
وذعذع نـســيــم ٍ نـفـحـتـــه تـشـفي المعـلول =عـذيٍّ دعـــاه الصبـــح والجـــو صـافــي لــــه
هـو الدافـي المقـبــول .. أو البـارد المقـبــول =لطيـفٍ يـشــف الشمـس والارض تـنـدي لــــه
الا ما حـلا لاجـوك سمــح الوجـيــه نـــزول =نــزل كــل ٍ وما يـشـتـهـــي مـن مـداهـيــلـــــه
يـسـوقــون قطعـــان ٍ تـبـي مرتــع معــزول =خــلا ً مابـــه إلا كــل طيــر ٍ يـغــنــّي لــــــــه
تهــزع سبـل نـبـتــه عـقـب ما ثـنــاه الطـول =تـَعـَانـق وقــام ايـعــاقــب الميـلـــــه الميـلـــــه
يميـل ويمـوح ويـنـتـهـض نهـضـة المتـلـول =كما اللي يهــزع النــوم راســه ويصحي لـــــه
زماليــق ريضان ٍ علـيـهــا الطـيـور تجــول =كريـمــــة سـبــال ٍكــل ســربٍ تـنــادي لــــــه
اليا طـار منهـا جـــول حـوّل عليهــا جـــول =تـقـول إن مـيـّــاس النـواويـــر تـومـــي لــــــه
نـواويــر عـشـبٍ كـنــّه السـنـدس المشـغـول =تــوّشــح بـنـقـــش ٍ زاهـيـــاتٍ تـشــاكـيــلـــــه
شـذا اطيابـه ازكى من شـذا خلطـة المعمـول =تـداوي عـليــل البــال نـفـحـــة تـعــالـيـلـــــــه
يـرد البـريـق لجبـهــة اللي اليا افضى الحول =عرضهــا للاشـقـــر من ميـاســـم غـرابـيـلـــه
كـليـفٍ اليـا تــم السـنـــة كـــادح ٍ مشـغـــول =عـطـــا اللي عليــه وجا طـليــبٍ يـبـا اللي لـــه

الشاعر محمد عامر بن نيف

الله...الله...صح لسان الشاعر الكبير محمد بن عامر بن نيف وصراحة كل بيت فيها هو قصيدة هذا هو الشعر الحقيقي ذو المعاني والصور الرائعه ...

تقول إن بارقها مـع اثعولهـا موصـول=ليا اوضا سماها قامت الارض توضي له

صورة قمة في إنعكاس ضوء البرق على الأرض من قوته ..

لا اجد الكلمات التي تصف هذه القصيدة إلا أن أقول : انت هرم يا محمد بن عامر من أهرام الشعر النبطي.

واخي الطود أقول: ما قصرت وقد نقلت لنا درة من درر هذا الشاعر العملاق فبارك الله فيك وفيما نقلت فقد أرتفعت بذائقتنا بطرحك لهذه التحفة الفنية الشعرية البديعه

فعلا قصيده جزيله من شاعر جزل

يعطيك العافيه اخوي الطود وصح لسان الشاعر محمد عامر بن نيف

تسلم اخي الطود على القصيد الرايعه

وصح لسان الشاعر / محمد عامر على القصيده

صح لسان الشاعر محمد نيف

ونشكرك اخوي الطود

صـح الله لسآن. وتسلـم يميـن نآقلهآ.

تحيتي.

اســـــــعدني مرورك اخوي ابن مصاول

واللـــــــــــــــــه لا يهينك

السلام عليكم ورحمة الله وبركاته

قصيدة رائعه الله يعطيك العافيه

اسعدني مرورك اخوي ابن امصاول