ملفي جفين
حيا الله الشاعر اللي عالـي(ن) مستـواه=فالمنتدى اللي طلع صيتـه علـى مستـوا
انكان فواز نجم(ن) لامع(ن) في سماه=ياكم نجـم(ن) طلـع بيـن النجـوم وهـوا
فواز العزيزي
الله يبقـيـك والمعـنـى عـلــى مـانـبـاه=فالمنتدى اللي بعد غيبـه جمعنـا سـوا
كلا(ن)يحافظ على قصره ليامن بناه=وانته يسدك نصيبك من عيون الجوا
ملفي جفين
العام سويت ميدان وجمعت الرمـاه=وتقول جاك الخبر واقول مالك لـوا
اصحابك اللي تمشيهم علـى ماتبـاه= اللي ضوا ماسرح والي سرح ماضوا
فواز العزيزي
لــو أن ملـفـي ليـاجـاه الخبرمانـسـاه=يمـديـه جـانـا يـحـث خـطـاه ولانــوا
انته سواة الطبيب اللي مايعرف دواه=يــداوي الـنـاس وهــوه مالـقـالـه دوا
ملفي جفين
مازاد حجم الحديث الا كثير الرواه=لكن ماني مصدق كل راو(ن) روا
الي يسير بخطاه ولا يحس بخطاه=اخر مصيره يجي فالزاويه ونزوا
فواز العزيزي
صاحبك صاحبك تعرف طيبته من رداه=لو اكثر النـاس غـاوي صاحبـك ماغـوا
ياليـت حظـك مـعـك مايعـكـس الاتـجـاه=ونقـول اكـل تمـرك الجايـد وطـش النـوا
ملفي جفين
كثرت علـوم العبـاد وصـار فيـه اشتبـاه=والمشكلـه كلبوهـا مـن شريحـة ســوا
حظي ماهو لابس(ن) بشت(ن) قصار(ن) يداه=ولاحـرك الضلـع يافـواز صفـق الهوا
فواز العزيزي
يـا ملفـي الله يتمـك كـل قـدر بغطـاه=لكـن حـاول تشـد الحبـل كـان التـوا
خلك تحت دبرة الي كلنا فـي رجـاه=حتى بيمناك تشرب من عدود الروا
ملفي جفين
اللي مايبحث خفانـا مابحثنـا خفـاه=واللي يبـي زعزعـة قواتنـا ماقـوا
شعيل شال الحمول الله يستر علاه=مار البلا في بعير(ن)في محله ثوا
« آخـــر الـــمـــشـــاركــــات »
غير متواجد حالياً
رد: خلووووووووووووووووها
