آخـــــــــــــــــــــر عــــبارات الـــــــــــــــــوداع

وداع ياساره وبي منك الوداع = وداع من قفى وقلت الله معاه
ماهو حسوفه كان قلبي مستطاع = ياخذ من ايام الهنا يومه خذاه
خله يقفي والمقفي ما يطاع = يمشي على كيفه ويلقى منتهاه
مايتبعه غير الضعيف يوم ضاع = ولآ ذليل النفس لا ضاعة ارياه
ونا عزيز وعزة الرجل الشجاع = لاكثرت اورود القليب وشان ماه
يضرب تهاتيه الخلا فجه وساع = ويعز نفسه والهوا يقطع ضماه
مايلتفت للي شرا غيره وباع = حبه وتقديره وصبره مع غلاه
وقبل الختام آخر عبارات الوداع = كلمه اخيره وعتبرها لك وصاه
الصاحب اللي يترك اعيوني اجياع = والله ليبطي مامشا قلبي وراه

صح لسانك وليف الصمت

يعطيك الف عافيه وبانتظار جديدك

ونا عزيز وعزة الرجل الشجاع = لاكثرت اورود القليب وشان ماه

يضرب تهاتيه الخلا فجه وساع = ويعز نفسه والهوا يقطع ضماه

مايلتفت للي شرا غيره وباع = حبه وتقديره وصبره مع غلاه

الله الله
صح لسانك وقلبك ياوليف الصمت
قصيده اكثر من رائعه مبنى ومعنى
راقت لي جداً
وبانتظار المزيد من بوحك العذب
دمت بود
.

صح لسانك اخوي وليف الصمت ويعطيك العافية

لآآهنت ع الابيات الصارحه
... وتسلم يمينك

صــــــــح الله ابــدانكــم جميعــــــــــاً

صــح لســانــكــ

صح لسانك أخوي وليف الصمت وقصيدة مميزه من شاعر مميز وتنقل بها الى فئة الشعراء والى الأمام

الصاحب اللي يترك اعيوني اجياع
........ والله لـيـبـطـي مـامــشــا قـلــبــي وراه





نرجسية لا تليق بعاشق .. ولكنه الكبرياء حينما يقول كلمته ..
صح لسانك يا وليف الصمت
وربي أبدعت ..