لكم مع أرق التحايا جديدي لعله ينال الاستحسان والقبول
للعيد في بالي شواري إثاره=أحس بالفرحه على طاري العيد
يطيب لي جوًه من أول نهاره=واليوم فاوًل يوم مصروم بالقيد
لفًيت من ديوانتي في العماره=واثري مع الصدفه مؤكد مواعيد
شالتني الذكرى لهمً الزياره=وأنا من أول دالهٍ قايل بعيد
صرت أتلمس فتح زر الاناره=أحسًب الانوار تائه مواصيد
اشتبت أعصابي من أول شراره=وأحس وأشم التهاب العباريد
ياقلب إخذ علمي بطايه خساره=ما عن عناك الي توده مقاعيد
يومين والًا يوم وأقرب دياره=أنا أبخص الديره وأعرف المواريد
ماني مسافر طمعةٍ في تجاره= وأحرص من ألسنة العرب والمناقيد
يارب وفق موتري في مساره=فالليل يسري ويتبختر على البيد
ياطا الدماثه ويتخطرى الحجاره=واكثر ممره مع خطوطٍ معابيد
العيد يكمل لاحصل شوف داره=ويلذ للعين الشقيه سواهيد
الله عليك ياحمود على هذه القصيده
فلسفه خطيره في الابيات رغم سهولتها
الا انها قليل من يصيغها بهذ الاسلوب الشاعري الفخم
لك الود والاعجاب . وكل عام وانت بجانب من تحب
.