وش جدوى الحَبَال,,

وش جدوى الحَبَال





من يقول ان الرجوله ثوب وشماغ وعقال
......والا صوت يفـجّ صدر اللـيل ويصحي الانيـن


الــرجوله لاتمــايل فكـري واطلــقت الخيال
......مثل ذاك الصــقر باني بـينه والصيــده حـنين


مثل نمــرن عزّ شــانه للــمرا مايــوم مال
...... حرّ مايــرخي براســـه الا للـــصيد الــثمين


نفــسه بس يمّ الثمينـه تستلــذ من الرجال
...... ما يطـالع للضـعايف ينتحــي لجـل السـمين


الرجوله صدر يُضرب لاضوى راعي السؤال
.......لنتخى راعي الطـليبه يلقـى نـخوات الزبين


الــرجوله ســيف بارز بين رحــمه واعتدال
...... ماينـام بوسـط غمده لاظلمت عـوجا السنين


رايتـه في العالي تــبرق تســتنير ابه الجـبال
...... وان تحـدّر غـيث غيمه يغلب دموع الحزين


في زمـانـي لا فضــائل لا مـحــاســن لا رجــال
...... الا في قومن مــطرها يروي السد الحصين


لو لــهيب الــقيــظ تشــعل ماتــفيو بالــظلال
.......صيتهم وسط المعاجم شيبت رووس البنين


غــرسهم خــير وتفاني زرعهـم في كل جــال
........واللحى معقـود فيها قـدر واعجاز الفـطين


ارضنا تشـــهد مــناظر دنســّـت ُطـهر الرمال
....... يمتـطي ظهر الرجـوله منهو للحرمه قرين


مخبــر ثياب الــرجوله يرتســـم فيها الــدلال
........ تلتحم باجــساد غضّـه منـّها الخـافي يبـين


مخبـــر المـــشيه تغــنّج بين هــزه واخــتيال
........والعنــق التــف حــوله عـِـقد للـفـتـنه يزين


آآآآآآآه ياحيـف ..وحسافه الحــيا فينا استــقال
........استحى يسكن وجوهن مالها شرعن ودين


والقمــر طوّل خســوفه واختــفى زهـو الهلال
.......واكسفت شمس الظهيره من ذنوب العالمين


والله يــافيـنــا بـنــاتن للفــخــــر عــزّن وفــال
........فـيهم الغــيره اتــوقــد للفـضــايل مـنـتـمين


افضل امن الفين مايع يقـتل العــزه اغتــيال
........يبني بافكار عِبْري بيت عِــزه مـن عـجيـن


يانسانا عقّموا الارحــام وش جـــدوى الحَبَال
.......دام ان الارض خصبه ونتجت حرثن وهين

بقلمي /ذوق عابر ..هــاجر

الله..الله..الله أي أبداع هذا أختي هاجر

قمة الروعه في المعنى والقضية التي تؤرق الكثيرين وما أكثر المنتمين للجنس الذكوري فقط ولا يعرفون من الرجولة إلا أسمها ...

ووالله أن بعض النساء أرجل من أكثر الذكور ...

وما تطرقتي اليه في ثنايا قصيدتكِ من اليوعه والسلاسل والقلايد والأمور التي لا يرتضيها الرجل أمر واقع للأسف...
لابد لكل رجل من هفوات وسقطات ولكن ان يستمر الحال ولا يتعلم فهذه هي المشكله فالسقطات عادة لا تزيد الخيول الأصيلة إلا إصراراً على الثبات والإقدام ولكن للأسف هذه الصفة يفتقدها الكثيرون.

نحن لا نطلب المستحيل ولكننا نطلب الوسطيه ان لم تكن قادراً على البروز في أمور الرجال

أشكرك مرة اخرى أختي هاجر وقصيدتك ذكرتني بقصيدة فتاة الوشم "هيا العتيبي" ومجاراتها من الشاعر الكبير ضيف الله بن زراق بن مدلج هنا http://www.almouazeen.com/showthread.php?t=1160

يا سلام ياسلام

صح لسانك عزيزتي ولا هنتي على الأبيات الجميلة

أبدعتي صراحة بطرحك للأبيات



تقبلي تحياتي وتقديري

ابياات رائعه اختي يعطيك العافية

ياسلام ياسلام اختي ذوق عابر حضور كالمطر
قصيده كلها ابداع وسبك حرفي تفننتي في صياغتها
اهنيك على هذا الخيال والفكر والجمال النصي


ملاحظه :
الــرجوله لاتمــايل فكـري واطلــقت الخيال

كلمة الرجوله في هذا الشطر غير مستساغه وكان بامكانك استبدالها بكلمه فيها خصوصيه للانثى
رغم انها لاتفقد القصيده جماليتها
دمتي ودام ابداعك
.

صح لسانك أختي ذوق عابر الهاجر
قصيدة جميله دمتي ودام إبداعك

صح لسانك على القصيده

المشاركة الأصلية كتبت بواسطة أبن مصاول

الله..الله..الله أي أبداع هذا أختي هاجر

قمة الروعه في المعنى والقضية التي تؤرق الكثيرين وما أكثر المنتمين للجنس الذكوري فقط ولا يعرفون من الرجولة إلا أسمها ...

ووالله أن بعض النساء أرجل من أكثر الذكور ...

وما تطرقتي اليه في ثنايا قصيدتكِ من اليوعه والسلاسل والقلايد والأمور التي لا يرتضيها الرجل أمر واقع للأسف...
لابد لكل رجل من هفوات وسقطات ولكن ان يستمر الحال ولا يتعلم فهذه هي المشكله فالسقطات عادة لا تزيد الخيول الأصيلة إلا إصراراً على الثبات والإقدام ولكن للأسف هذه الصفة يفتقدها الكثيرون.

نحن لا نطلب المستحيل ولكننا نطلب الوسطيه ان لم تكن قادراً على البروز في أمور الرجال

أشكرك مرة اخرى أختي هاجر وقصيدتك ذكرتني بقصيدة فتاة الوشم "هيا العتيبي" ومجاراتها من الشاعر الكبير ضيف الله بن زراق بن مدلج هنا http://www.almouazeen.com/showthread.php?t=1160

هلا فيك اخوي أبن مصاول ..
العفو وكلي شرف بمرور ورأي شاعر مثلك ..
وهيا العتيبي على العين والراس ..
لاخلا ولاعدم ..

المشاركة الأصلية كتبت بواسطة نزف المشاعر

يا سلام ياسلام

صح لسانك عزيزتي ولا هنتي على الأبيات الجميلة

أبدعتي صراحة بطرحك للأبيات



تقبلي تحياتي وتقديري

صح بدنك ولاهنتي ..
هلا فيك والف شكر على الحضور والرأي ..
لاخلا ولاعدم ..

المشاركة الأصلية كتبت بواسطة عنود الصيد

ابياات رائعه اختي يعطيك العافية

يعافيك المولى ..
هلا فيك اختي والف شكر على الحضور والرأي ..
لاخلا ولاعدم ..