..[طحت وضاعت هيبتك]..

في الخيانه الزوجيه

طحت وضاعت هيبتك

ليه ياخـايـن تـعــوّد ليه مـاتـوفـي الـوعُــود =كــان وعـدك لـي بـتبـعـد بـعـد كـايـد زلـتـِك
بالـخـيانـه عشـت عمرك مركب لاهله تُقود =تسبح افبـحر الرذيلـه لجـل ِتحــكم صـيدتِك
ليه ترجع مـات قلبي بعد ماعاش الجـُحود =بعد مـاشـبيـت نـاره احـتـرق مــن شـعلتـِك
شـفـت حـبي والمـشاعر والهــدايا والعُهود=وسط ريح الغدر طـارت مــع بقـايا سـيرتِك
مابي انكر لك فضايل عيني وقلـبي شـهُـود =انت مـن علمت عـيني كيـف تفـهـم نـظرتِك
كل احاسيسي بنظره تصحى من بعد الرُكود =حتى قلـبي زاد نـبضـه لاسمـعـهـا خـطـوتِك
ساهيه وإسمي نسيته والفكر صابه شُرود =يوم عطـرَك زاد فـوحه في زوايا غـرفـتـِك
لمسة أيـدينك تـدوّخ مـنها تحـمـّر الخـُدود =تشرق انواري بكـونـي مـن ثنايا بسـمـتـِك
كان صوتك وقت نومي دفاي في حزه برُود=وبـمـنامـي ياغـرامي روحـي تـبغـي لمـتِـك
للاسف علمت قلـبي يحفــظ الحــب ويـذُود =وانــت قلبك بالخــيانه حقــق اخـر رغــبتِك
خنتني قــدام عيني تِحكـمـك رغــبه ومـُود =ماتبالـــي بالـمـحـبـه والـمـشاعـر خــانـتـِك
مدري لو عشت ابوحولك والخنا فيني يسُود!!=كنت ترضى في وجودي في بطـوله قصـتِك؟؟؟
عيش وضعي حس فيني بعدها عطني ردُود =واحســب حسـاب الإجابه ماتـكـفر غلطـتِـك
في بعــادك عِشــت أنثى شامخه مثل الاسُود =من بعــد أســر سكنـته في غــيابــت جُـبـتِك
جاي تِـرجي بـس عفوي ترتـجي انـي اعُود=بعد ماضاقت بـصدرك رغــم واســع دنيتــِك
والـعـذر نفسك ضعيفه لالمحت رشاق ِعـُود =هذا عـذر ٍقـد حـفـظـته انـت وبـاقــي شِلتـِك
كـل مـاهبّـت بجـوك ريـحـه وشفـت الـنهـُود =بعت كل غالي بقلبـك لجـل ِتـِرضـي نـزوتـِك
من وطاك القلــبِ والله ماحــفظ غـير الصُدود =لاتحاول تســتــميله صــار يهــوى غيــبتــِك
وكل أبـيـات الـقـصـايـد اللـى فـي رفـّك تـزُود= صـارت مجـرد حــروفٍ ضايعه في خزنتك
شـفـتِ وردة عـيد حبــي كـم تـمناها الحسُود =أرتـجــي احـسـان مـنـك لاتــمـوت بـشــمـّتِك
هـاتـهـا إكــرام مـني بــتــرك الــورده لـدُود =ياكـل اشـواقــي وحــبـي وتنـتهي به رحلتِك
اخر اقـوال القضـيه إحـفـظ لنـفـسـك حُـدود =مـابـقـى فـيـني مــحـبـه والـمـشـاعـر عــافتِك
هذا هـو اخـر قـراري لاتـكـررها الـجـُهـود =إنسـى مـن كـانت ياعــنتر بالـحكاوي عـبلتِك
وإن سكنك الحزن ليله والدمع صابه زُهود =روح للـي نــام لـيـلـه وســط دافـي ضمـتِــك
روح وابعـد عن حياتي للحقد فيـني صُعود =لاني والله يوم شفتِك طحت وضاعت هيـبتِك

بقلمي..ذوق عابر(الهاجر)

صح لسانك شاعرتنا هاجر وقصيدة ترجمتي بها إحساس أنثى بين التعبير عن سخطها على زوجها ومحبتها له وقد أبحرتي بنا في هذه القصة الدرامية بقالب شعري جميل ..حتى شبعنا شعراً نسائياً

شـفــت حـبــي والـمـشـاعـر والـهـدايــا والـعُـهــود=وســط ريــح الـغـدر طــارت مــع بقـايـا سـيـرتِـك

صح لسانكِ أختي ...

صح لسانك وبيض الله وجهك على الابيات الجزله

يعطيك الف عافيه

ذوق عابر صح الله لسانك
قصيدة في منتهى الروعه والجمال لاهنتي

صح السانك ع الابيات الرائعه....
عوافيي~

المشاركة الأصلية كتبت بواسطة أبن مصاول

صح لسانك شاعرتنا هاجر وقصيدة ترجمتي بها إحساس أنثى بين التعبير عن سخطها على زوجها ومحبتها له وقد أبحرتي بنا في هذه القصة الدرامية بقالب شعري جميل ..حتى شبعنا شعراً نسائياً

شـفــت حـبــي والـمـشـاعـر والـهـدايــا والـعُـهــود=وســط ريــح الـغـدر طــارت مــع بقـايـا سـيـرتِـك

صح لسانكِ أختي ...

صح بدنك اخوي ابن مصاول ولاهنت..

تشرفت كثيرا بحضورك ورايك ..

لاخلا ولاعدم ..

المشاركة الأصلية كتبت بواسطة مواعيـ سراب ـدك

صح لسانك وبيض الله وجهك على الابيات الجزله

يعطيك الف عافيه

صح بدنك اخوي مواعيدك سراب ..
وحرم الله وجهك على النار ..
الف شكر على تواجدك ورايك ..
لاخلا ولاعدم ..