|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| أخبار الشاعر عبدالله غازي ومحاوراته وقصائده الكتابية يهتم بأخبار ومحاورات الشاعر عبدالله غازي |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 51 ) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: الشاعرالكبير سوارالذهب
كُتب : [ 31 - 12 - 09
- 09:11 PM ]
بقية المعلومات الشخصية , قد يكون الكثير هنا أعلم مني , ولكن : اسمه : عبدالله بن غازي بن عيد بن خلف بن صلال القحم من الغمان من القحومة من ذوي ميزان . ولد عام 1392 . سكنه أغلب الاحيان في قرية الشمطا وتقع في ديار ذوي ميزان جنوب غرب الرس بمسافة تقارب 150 حول قرية الظاهرية ونفود العريق , وأحياناً يقيم في مدينة الرياض . شهادته : ماجستير علم آثار . سبق ان دخل العسكرية لفترة بسيطة عام 1413 . عمه الشاعر سعيّد بن عيد الميزاني ولملقب ب (( الداب الأسود )) وعمه شاعر كبير وقديم وكان شاعر ذوي ميزان في المحاورة بدون منازع . لقب عبدالله غازي هو (( سوار الذهب )) أطلقه عليه الشاعر خلف بن هذال العتيبي عندما سمع أحدى محاورات عبدالله غازي في بداياته , ولازال هذا اللقب مرتبط بإسمه . دخوله لمجال المحاورة بين الشعراء المعروفين كان بين أعوام 1412- 1414 . سجل أسمه بقوة منذا أن ظهر كشاعر وكانت فترته الذهبية بين أعوام 1418 - 1427 نتيجة لنضوج تجربته , واستطاع أن يسجل أسمه كأحد رموز هذا الفن الذين يشار لهم بالبنان . كان مرضه من احد الأسباب التي أدت لقلة ظهوره في السنوات الأخيرة ولكن حضوره أذا حضر يسجل عن الف حضور كما قال هو : أنا ماوردت العد حتى تفيّح ماه = ولو أرده مرة تسوي مية مره اضافة الى انه مبدع جداً في المحاورة فهو كذلك لايقل أبداعاً في النبط رغم أنه مقل فيه وأعرض لك نماذج من قصائده النبطية لمعرفة أن هذا الشاعر تجاوز الموهبة الى العبقرية الشعرية , وهذه القصيدة قالها في الدوشان أمراء قبيلة مطير : سلام الله سلاماً مايحول من سماه نجوم = رفيعاً مستواه وهيبته من دون واجبها يشرفني وانا في واجبه ومسانده ملزوم = لزوماً واجبه والواجبه ماني مجنبها سلاماً ماتضيق ابه الصدور ولاش فيه ثلوم = تلب اله العقول اللي على المله يخاطبها هبوبه عامره بالورد والريحان واليشموم = ونوره كوكباً دري غطا الصمان واطربها علي روس الشيوخ مجيرة الخايف حجا المظيوم = صناديد الرجال وفعلها يثبت مناصبها حمول الخيل فرسان الملاقا مشبعين الحوم = مرويت الرهاف اللي مذهبةً مقاضبها منزحة العدا عوق الخصيم وسيفهم ملحوم = تعي بنصرها لو كان طايفةً تحاربها ليا ثار العسام وجاء بريد الموت فالحلقوم = عوايدهم يعزلون الجماجم عن مناكبها علي محوالهم مثل الصواعق في نحور القوم = وتكسر بارق القومان وتشتت شعايبها وسادوا فالجزيرة قبل حكم الشايب المرحوم = ويرعون الخطر والخوف في نجد ومضاربها بهم حم الذرى ترعى نبات الوادي الماسوم = علي مشهاتها شرق الدير والا مغاربها ولايخطم علاها لان تاخذ قيسها المعلوم = علي مشهات خطّرها ونبت ارضاً يناسبها تحت سيف الدويش اكبر زعيم القايد الزيزوم = يقطّع روس افاعي نجد ويخفّس عقاربها يجر البارق اللي ما حظاه الا قوي عزوم = عبر شبه الجزيرة والعراق افنا مصايبها وسادت هيبة الدوشان مافالعلم حب خشوم = كواكب مستقله في سماها من يواكبها الا يانجد من ماضيك في صحراك نقش رسوم = ابا اقبّل رسوماً فيك تجذبني مجاذبها واعيشك يازمان العام ذكرى في زمان اليوم = ابذكر مفخرة ماضيك واحضنها واعيش ابها ابسري تحت شعت نورها ليل الدجى المعتوم = تنور لي طريقي في مساري واستدل بها وتعرف وين يمات البحر يالساري المنجوم = وتنزل بالغروب اللي تناضح مع جوانبها وتبرى عينك الرمدى ويبرى قلبك المسقوم = وترفى الرجل وتدراي عليها ماتنشّبها تميّز فالامور ان كان في بالك وهم وهموم = ترى ضيم اللحى واذلالها دقمة شواربها ركون امجادنا ماتندثر وكتابنا مفهوم = على طول الزمان وشمسنا محدن يغيبها ظهر فالعلم فراعه وفزاعه ونفذ كموم = فزوعاً ماعرفنا وش ظرفها من تعصبها تزاحم بالمحازم والليالي جوها مزحوم = ليالينا حمول جمالها تكسر غواربها والاياليتها تصحى وتكشف سرها المكتوم = وتصمت ما تعاتبنا وحنا مانعاتبها وياخذ غاية الحق النصيف السايل المحروم = زمن لايعرف المره علي الفاقه يجربها تحت كبد السماء برق ورعد في مدلهم غيوم = تمر الديره المضماه ماهلت سحايبها هذا علم وخبر والسر سلكه فالخفى مبروم = تعبره الثقاه وتعبر الغبه مراكبها بعد ماجابنا صوت المنادي في رحب واسلوم = سلوم ارجال معروفه مذاهبنا مذاهبها كلام الشاعر اللي بالفصاحه والحكم ملهوم = بحر غالي درر وامواج تغرق من يميل ابها وانا مثل البشر مااعلم غيوب ولا اخلق المعدوم = لكن عقول خلق الله تميزها مواهبها وكذلك قصيدة غزلية رائعة : حبيبي لاتخف وأنته حرس عرشك بحـر وجبـال = عبـارة واضحـه يعنـي مراسيـنـا ترسّيـنـا حقيقي والحقيقـة لاعجـب مـا تستحـق إجـدال = وماضيـنـا وحاضـرنـا غنـانـا لا غوانيـنـا ولازلنا على صـدر الزمـان (مسجليـن أبطـال)= نعـم .. وامجادنـا فجـرٍ تبسّـم معجـبٍ فيـنـا علمت أن الخطر والخوف والإذهـال روس أقـذال = تصيح بصوت يا مجنوننـا مـا شفـت صاحينـا وفاح من الخجل مسك الجمال اللي غـدى برجـال = ومدّيـنـا يديـنـا للمـصـالـح واستبـديـنـا تلال وجنةٍ خضراء وصحـراء خدها مـا سـال = علـى ذلـك بـروق أخيالنـا ترعـد صحارينـا بمعنى عالـم الأمـر أول الدنيـا علـى الإجمـال = أعادتنـا صـور تسجيـل ماتـدري متـى جينـا نسخ بالصوت والصـورة حيـاة مقـدرّة وآجـال = وسرّيـة قـدر غيـبٍ بمـا يضـمـر يفاجيـنـا يسامحنـا قبـولٍ كـان يمنعنـا عـن الإقـبـال = يـدق نحورنـا وأبحورنـا رحـمـة ْ مناشيـنـا من اللي ما يصدق لـو أقـول أن الحيـاة انضـال = مـن اللـي مايحـس بقولـةْ أن الحـي يحيينـا حبيبـي لا تسميهـا سـراب ولا كثيـب إرْمـال = وأنا أفهم وانـت تفهـم ويـش تعنينـا معانينـا لقيت أن الهوى صمت وصموت وغشمره وإبسال = يا هل ؟ يكتـب لنـا حـرف أبجـدي والاّ يقرّينـا مراكيب الهوى العذري على جمر الغضـا زرفـال = علـى مــر الـعـذاب أتجيبـنـا ولا توديـنـا يصورها القدر رحلة ويعرضهـا المصيـر أحـلال = يؤهـلـنـا نشوف هلالنا فـعـيـون أهالـيـنـا روته المعركـه قصّـه واجلّتـه السيـوف إنـزال = تبلّـغ سعينـا رفـض التلاعـب فـي مساعينـا تجلّت حالة البرزخ كهولـه فـي جفـون أطفـال = تلاحقـنـا نـجـاةٍ كنّـهـا تبـغـى تناجيـنـا وحجم أصغر حجم ذرّة ووزن أصغر وزن مثقـال = بعـد قتـل الزمـان اللـي متـى شينـا يمشّينـا هبط مضرب مثل واعطى الصعود لضرب الأستمثال = وصوت البحر يمدحنـا وصـوت الريـح يهجينـا زئير القسورة لـو سبّـح الليـل البهيـم أدغـال = شفـق شمـس الغـروب إفراقنـا ولا تلاقيـنـا حبيبي ماعليش أهوى التّعمق قبـل أطـق الجـال = على مركـب غـرامٍ مـن سمانـا زار أراضينـا وهذه قصيدة غزلية اخرى : واصرم قلبي صرم عشب المقيضه =مع شوية الكنة وحـام الطواليـع انزاح مرباعه وشمسـه رميضـه =وغار السموم ارثاع عج المخاويع من عقب ماظلت فياضه رويضه =ماعاد تشبع به فـروخ الجرابيـع على الذي يهتاضني واستهيضـه =هايم غـرام مولعـاً فيـه توليـع ماانساه لو انسى صلاة الفريضـه =وأنا الذي ماأسمع بحبه ولا أطيـع خده سنا برقاً زما فـي وميضـه =برقاً تلالا فالسحـاب المهانيـع نواً علـى سيلـه يعلّـم نفيضـه =يشيل طول مساند الحـزم ويفيـع وياعود ريحاناً غصونه غضيضه =تلاعبه فـوق السواقـي ذعاذيـع لاهف حشا ماله وصوفاً بغيضـه =أشتاق له شوق العـذار المفاريـع وأن كان مالي فالبخوت الحضيضه =ماظنتي عقب المفـارق مراجيـع لو من فقد خـلاً وفـا يستعيضـه =ماسال دمع امن العيون المواليـع واهنيكم يااهل القلوب الفضيضـه =ياللي تردون السوالـف مصاليـع ماتعرفـون المبهمـة والنقيضـه =ولا اسقتكم الفرقا المراره قراطيع ماصابكم حر المفارق مضيضـه =وأنا على جمرة مفـارق وتوديـع غارالجروح النازفه والنجيضـه =اجاذب الونات بالصـدر ماأذيـع اخاف من سود القلوب المريضـه =كبار الدفوف مولدين المضاريـع أجبر عزاي بدمع عيني وافيضـه =واواسي الخاطر بذكرى وتشفيـع ذكر رجاي اللي عروضه عريضه =قـدام لايقبـس فتيـل المقاميـع وراسي رفيع ولارضيت اتخفيضه =لـو الليالـي مايجنـي مطاويـع وياوقت سافر بالحمول البهيضـه =لاتذنب النفـس البريـه بلاطيـع ذنبك على النفس البريه غميضـه =مافيـك لا سـرا ولابـك منافيـع مالك على مشهاة الأنفس رفيضـه =لاتوقظ الفتنـة بطـق الأصابيـع خل الهوى يسمع لركبه نضيضـه =ياخذ على رمل الصحاري مراميع
|
التعديل الأخير تم بواسطة سالم رباح ; 31 - 12 - 09 الساعة 09:42 PM
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
~~
