الشاعر الكبير شعيل الحريص في مسابقة شاعر العرب

بما أنه شاعر علم قبل ان يكون الممثل الوحيد للعونة في برنامج شاعر العرب .

أبو فيصل من ابرز شعراء الساحة رغم عدم اهتمامه بالاعلام والظهور , ومكانته بين شعراء منطقته معروفة .



شارك في شاعر العرب للنسخة الثانية وحصل على المركز الأول في المرحلة الأولى والثانية وحصل على اشادة واعجاب كبير من اللجنة وتساؤل عن سر عدم ظهور شعيل اعلامياً رغم هذه الموهبة الشعرية الكبيرة , ويعرف أن شعيل يعمل في القطاع العسكري ولذلك طبيعة عمله لاتسمح له بالتركيز والبروز في ساحة الشعر والظهور اعلامياً .


وفي برنامج شاعر العرب أعطي القليل من الضوء الذي يستحقه الشاعر الكبير .



القصيده الأولى للشاعر شعيل الحريص العوني المطيري في شاااااااعر العرب

على صباح وشعبه المخلص البـار = سلام من شعـب السعـود وملكهـا
سلام أهـل دار لاهـل داركـم دار = أرواحنـا قلـب الوفـا مشتركـهـا
بيت المعزة في حشا الجـار للجـار = ماينـهـدم وسلومـنـا نمتلكـهـا
خليجنـا واحـد فدينـاه الاعـمـار = دونه منايـا المـوت نـارد دركهـا
من يتحد صفه منع شـر الاشـرار = يمنى وحيد الجنب خصمـه فركهـا
وجهة نظر من شاعر صاغ الاشعار = جواهـره فيـض القريحـه سبكهـا
الشعر بحـره ماجهـل فيـه بحـار = يعرف غناتـه غبتـه مـن سلكهـا
من تربة الاعمـاق لاجبـت محـار = أنقذت روح الموهبـة عـن هلكهـا
من جابهـا خلايـط بيـع عطـار = مادسمـت مخـلاب طيـر شبكهـا
سوق الجزايل ترتفع فيـه الاسعـار = الطيبة مـن طـاب حظـه مسكهـا
قـدام للمبـدع مقيمـت الأفـكـار = ماجاملـوا مـن خطتـه ماحبكهـا
من لا يحط لبصمة الجـزل تذكـار = ليت المثايـل عنـد غيـره تركهـا
الشعر فبحـوره مفاهيـم الأسـرار = أقفـال بابـه شرفـت مـن فلكهـا
أحـد يجيـد لحكمتـه دون يحتـار = وأحـد قوانيـن الشعـر ماملكـهـا
قريحـة روض يشـوق بالازهـار = وقريحـة قـاع يضـرك حسكهـا
من لا يعسف العاصية عسف الامهار = روس المعرفه تطحنه فـي حنكهـا
عصر انتشار الموهبة عبر الاقمـار = خيل الغشيـم مقصـره لـو دبكهـا
ما جيت سوق المعرفه ملكي أصفار = وخزايـن بنـوك الأدب ممتلكـهـا

للتصويت للشاعر :

نماذج أخرى من قصائده الرائعة سأطرحها لاحقاً بإذن الله .

بالتوفيق لأبوفيصل في هذه المسابقة ..

وجاري التصويت ان شاء الله ..

ولا هنت يا سالم على هذا الموضوع ..

ممكن احد يقول لي كم تردد رواسي ؟؟

بالتوفيق الشاعر/ شعيل الحريص فى المسابقة نشاءالله
ويبشربعزة وسوفا نبداء بتصويت الآن. ومشكور أخوى سالم لك على طرح الموضوع
أخوى :الفارس تردد قـنـاة رواسـي هو تردد(11554)(v) معدل الترميز 27500 4/3
على نايل سات/اطلانطيك بيرد 2 الموقع 8درجة غربآ

بالتوفيق لأبوفيصل في هذه المسابقة ..

وجاري التصويت ان شاء الله

مشكور اخوي سالم رباح على الموضوع
تحياتي لكـ....

من قصائد الشاعر , وفي موقف مع الشاعر المرحوم عبدالله العير ,

يقول العير مسنداً القصيدة على شعيل :

ياشعيل لو شفت الثلاث المفاريـع = بالدبدبه بيـن الحفـر والزوامـي
طرقن يطقن الظبـى بالاصابيـع = هاك هالخشوف اللي سواة الادامي
الراس لاهبـت عليـه الذعاذيـع = قام يتفرق مثل ريـش النعامـي

الى أن قال العير حمه الله :

خذت من مبسم حداهـن قريطيـع = يـاالله لا تكتـب علـي الاثامـي
وإن رحت للعجرم سلم على جديع = سلم على الغالي كثيـر السلامـي

فرد عليه الشاعر شعيل بهذه القصيدة :

شفنا ياعبـدالله وعشنـا مواضيـع = ومجاوبين أصوات ورق الحمامـي
اللي على خضر الغصون المهازيع = يدعن عشـاق الطـرب والغرامـي
في ليلتن زلت لنـا قبـل أسابيـع = يوم القمر نـوره تعلـى الظلامـي
حيث اجتمع شمل القلوب المواليـع = بعد البطـى ومناوشـات الكلامـي
في وادين عله مـن الوسـم تنقيـع = يعطيك ريحة نبت وأمن وسلامـي
يبعد هواجس ضامـرك والتلاكيـع = وتحس فيـه براحتـن وانسجامـي
لولا فجيعة روعتن وقـت توديـع = تذويك ذوية مخضـرات النوامـي
يوم اخضرت وبدى الثمر بالطواليـع = يبس القليب وشيل عنـه المقامـي
مثلـه وداع مدلهـات المراضيـع = نجل العيـون قضيفـات الافامـي
سخاف الملامس لايقات المقاطيـع = محاليات اوصاف ظبـى العدامـي
يعطن لمحة نظرة اعجاب وتضيـع = لو قلت مالي في المـوده مرامـي
شبك الوحش من نايفات المرافيـع = وشبك الاوادم نظرتـن وابتسامـي
تشكي علي اسباب ضيق المسانيـع = وانا طريح افراش يابن الحشامـي
صريح ماني باصنع الهرج تصنيـع = ابحث عن الاسباب وانشد علامـي
رجم الفياض المخليـات المرابيـع = يعطيك عنـي ماحصـل بالتمامـي
وجديع مالـي يـم نزلـه مراميـع = انا جنوب الـدار وجديـع شامـي
وان رحت قله ماورى الوقت ترجيع = زل الطرب والجرح بالجاش دامي

وغزلية أخرى للشاعر شعيل :

ياروح روح الروح لاتظلم الـروح = مامن الفراق وهجر الأحباب راحـه
قدر الغلا في ناظر العين مفضـوح = قـدام أقـول و تستغـل الصراحـه
مادام قلبـي بالغـلا شيـك مفتـوح = ليش ببحـر حبـك تمـن السباحـه
لاتظلم اللي مـن تغليـك مجـروح = دمع العشيق مـن الظليمـه سلاحـه
مانته على الهجران والصد مسمـوح = يامن علـى زينـه تزيـد الملاحـه
ماشفت مثلك في حلا البيض مملوح = ياطـب قلبـي ياسبايـب جراحـه
سبة غلاك مصخر الشرد مطـروح = كسرت في سهـم التجافـي جناحـه
كان النصيب اللي كتب له على اللوح = فرقـاك الآ ونكبـتـه وصبـاحـه
الحب بحرآ مغرقـن كـل سابـوح = قـدام عصـر العولمـه وانفتاحـه
ياروح روح الروح لاتظلم الـروح = مامن الفراق وهجر الاحباب راحـه

وقصيدة رد على بعض من لامه في أمر ما :

ياعاذلي ساعة ندم فايت الفـوت = ليت النصيحة جاتني منك بـدري
خلاص فات الفوت يارافع الصوت = خلني على مافي ضيّقت صـدري
البحر ماخفا درةٍ في بطن حـوت = أنا آدمي ٍ بيـح الوقـت صبـري
يشوتني ظرف الزمن بالقدم شوت = وغيب السنين المقبله عنه ماأدري
أجاهد الدنيا علـى لقمـة القـوت = والعمر فاني والمقاديـر تجـري
مشموت لا قلّت محاصلك مشموت = لوماقصرلك عن هل المجد شبري
كم واحدٍ قصره من الخام منحوت = معدوم طيب وله معـزه وقـدري
من حشمة الدنيا له القدر مثبـوت = كلٍ بمدحـه بالمجالـس يهـذري
شيخ الزمان اللي به الحبل مفلوت = لو راد وقفات المناعيـر يـزري
الوقت غيرالوقت يارافع الصـوت = خلني على مافي ضيّقت صـدري

والمزيد من قصائده لاحقاً ان شاء الله .

بالتوفيق لأبوفيصل انشاءالله
مشكووورر أخوي سالم
تحياتي لكـ،،،،،،

لا هنت يا سالم على هذا الموضوع ..
شـكــ وبارك الله فيك ـــرا لك ... لك مني أجمل تحية .
وحناء معـــــــــــــــــــــــــــه انشاء اللــــــــــــــــــــــــــــــه

بالتوفيق لشاعر عون ويبشر بعزه ونحن ندعم الشاعر بوضع بنر يعتلي منتديات ميزان دعماً لأبن عمنا وبالتوفيق يا أبو فيصل أسم معروف ولكنه مظلوم إعلامياً للأسف ...

ونرجو من الأخ سالم أغراق هذا الموضوع بالقصائد للشاعر

هذ الغزلية ( ربما من وحي الخيال ) :

لو شفت زولن شايفه يابو منصـور = خطرن على قلبك يصـرم ضلوعـه
في ذمتي عـد النحـر والـعٍ نـور = من خلقتي ماشفـت بالعيـن نوعـه
هاف الحشى ثوبه على الساق مشقور = متعزلن جسمه بالاوصـاف روعـه
صادفتها بالسـوق طبيـت مجبـورى = اقضي الورعـان ومسيـت طوعـه
خليت ورعاني بلا عقـل وشعـور = اتليه كنـي واحـدن مـن ربوعـه
الـف انـا ويـاه بالسـوق ونـدور = وإن قلت علمـن طنشنـه سموعـه
واخر كلامن قلت له فيـه مغـرور = قالـت سواتـك مامشينـا بطوعـه
واقفيت عنه وخاطري منه مكسـور = أصعب على الطماع من حب كوعه
ورجعت للورعان محرج ومقهـور = قنعان لـو مامنـه نفسـي قنوعـه

وهذه غزلية ايضاً :

يانور عيني لاتغلى وانـا اغليـك = مال التغلي ياهوى البـال داعـي
ما فالغلا ياشمعة الكـون تشكيـك = المصلحه موت الغرام الصناعـي
لاتسمع العاذل وانا مسمعـه فيـك = يامن ورى شاله لخـده شعاعـي
حلا الجمال اليوسفي واضحن فيك = زودٍ عن الفتنـه عليـه القناعـي
من هامتك لين اطرف اقدام رجليك = صـورك ربٍ للمخاليـق راعـي
نجل العيون اللي بحيـك تماريـك = راحن مثل برق الدجاج المعاعـي
محلا جمالك بالحلا مـن يحاليـك = ياجامعن زين الحـلا والطباعـي
خلاص انا رهن الاشاره باياديـك = عليك صامت رغبتـي باقتناعـي

وهذه غزلية أخيرة :

واعذابي من هوى جـادلٍ طرقـا = عذبتنـي وإن تشكيـت ماتوحـي
تعلم إن طعونهـا بالحشـا زرقـا = والحقت نار الجفا نازف جروحي
قلت يامن غرتـه لامـع البرقـا = ماورا تعذيبة النفـس مصلوحـي
أنقذيني رحت من جملـة الغرقـا = في بحور الحب والسهر والنوحـي
بس أجاوب باللحن نايـح الورقـا = فوق غصن ٍ له بساتين وصروحي
إحترقت بنار ظلـم الهـوا حرقـا = ليتني من عالم الحـب منصوحـي
طحت لي في جمةٍ مالهـا مارقـا = جاهلٍ قلت الهوى ضحك وامزوحي
إن سلمت وعدت له راسي معرقـا = سامح الله واحـدٍ منـه ممدوحـي
كان هذا الحب يامحسـن الفرقـا = واهني اللي لـه البـاب مفتوحـي

هذه قصيدة القاها الشاعر في مدح الدوشان عندما تم استضافة الشيخ فيصل بن بندر الدويش عند عوض العقيلي :

هلا ياامير مطيرفـي حلـت مطيـر=والّلي حضرنا من جميـع القبايـل
اعـداد همـال المـزون المزابيـر=لاعد غـب امطارهـا نجـد سايـل
يامرحبـا يامرحبـا فيـك ياأميـر=ترحيب يشمل حاضريـن الحمايـل
اللي لفو عـوض معـزه وتقديـر=بعد دعاهم مـن يحـوش الجمايـل
لزم وجوه اهل الوجيـه المسافيـر=وأنا على الترحيب صغـت المثايـل
اصخر المعنى على الكيف تصخيـر=وأشهر أمدوح أهل السيوف الصقايل
أمجد الدوشان عـرض الشاوعيـر=وأمداحنـا فيهـم عليهـا دلايــل
تشهد لهم حدب السيوف البواتيـر=يوم القبايـل بيـن عدلـن ومايـل
ياما خذوا وضحن تحن المصاغيـر=وياما عطوا منها الضعيف العدايـل
بياعـت الارواح دون المظاهـيـر=ستر القصيـر وناقضـات الجدايـل
فيصل سلايلهـم عسالـه مذاخيـر=حيدن يظلل عن شمـوس القوايـل
شيخن يزبن في السنين المعاسـي=لايبست الاريـاق وقـت الصمايـل
ماقلـت مدحـه بالتماثيـل تزويـر=مدحن عليه اثبـات والشـك زايـل
جاهـه يفـك مقيـدن للمقـاديـر=عند السعود مطوعـت كـل عايـل
حكام نجد مطهـرت نجـد تطهيـر=بشلفن تخل الـدم الاحمـر شلايـل
حكـام عـدل ولشريعـه مناصيـر=فيهـم مالـوث دمنـا قـول قايـل
نرضى لاوامرهم ونمشـي طوابيـر=عسى لهـم ليـن القيامـه سلايـل
هذي شعـورن صادقـه بالتعابيـر=بعـد اجتمعنـا عنـد راع الكمايـل
طلق الحجاج اليا لفـوه المساييـر=ثلثيـن مالـه دون وجـه بـذايـل
عوض محلـه مدهلـن للمناعيـر=دايم و شبره واف الاشبـار طايـل
عبـرت دونـه بالتماثيـل تعبيـر= بقدومـكـم ياطيـبـن الفعـايـل
وارجو السموحه كان بالقول تقصير= زبدة كـلام العـرف منـه القلايـل

وهذه قصيدة يمدح فيها مسير بن شقير الدويش بعد وقفته المخلصة معه في مسابقة ( شاعر العرب ) , وكذلك مع الشعراء سعد سلطان الرخيمي وشبيب غزاي , فيقول شعيل مادحاً مسير الدويش :

غيـّم خيالـن دون راعـد وبــراق = غطا سمـا فكـري وطاحـت سيولـه
قريحتي مدحن على الصـدق تشتـاق = والا التصنـع يظلـم النفـس قـولـه
مدحن على غيـر البراهيـن مـالاق = سكـت ليـن الطيـب بانـت فعولـه
وفيـت ياشيـخ المكـارم والاخـلاق = الشـك والتقصيـر مـا انتـه بحولـه
ياابن الدويش الي على الطيـب سبـاق = شيخن تربع فـوق عـرش الرجولـه
مال الردى في مسيـر شقيـر معـلاق = شيخن والـد مشايخـن مـن حمولـه
له من سلوم اهل الو لفاء ساس الاعماق = متورثـن مجـدن جـدوده بنـولـه
تاريخهم واضح مثل شمـس الاشـراق = يـوم القبايـل بيـن صولـه وجولـه
قطاعتـن بسيوفهـا روس الاعـنـاق = كـم ولـد شيخـن يرتجيـه ايتمولـه
جذع الوفاء يخضر ويثمـر بـالاوراق = وجذع الردى ماسر عرضـه وطولـه
يا مسير ابن شقير مدحك لـه انسـاق = بنـات فكـري لـه تتطلـق عجولـه
قريحتي مدحن على الصـدق تشتـاق = والا التصنـع يظلـم النفـس قـولـه

وهذه قصيدة وطنية :

ابتدي بإسـم العظيـم الحـق خـلاق البريـه = أبتدي وأبني حصون الشعر طوبه فوق طوبـه
لو أقـول ولـو أعبـر بالحـروف الأبجديـه = ماعطيت الوصف كامل للملك صقر العروبـه
التسامح والتواضع من صفـة زيـن السجيـه = والشجاعه والكرم والطيب والنفـس الرحوبـه
الزعيم مبادر الإصـلاح فـي حـل القضيـه = لحمـاس ولامـة الإسـلام يـرج الله مثوبـه
خـادم البيتيـن عزالديـن واليمنـى نـديـه = ناصر الإسلام قاض الحق لاجهلـت دروبـه
الصـدور بحـب عبـدالله ملايـا مقـدريـه = دونـه الإرواح يـم المـوت نجلبهـا جلوبـه
لـك ولانـا بالسنيـن الحاضـره والأوليـه = شعبك المخلص سكنت من الوفا مهجة قلوبـه
ياولد من طهر بـلاده علـى ظهـر العبيـه = رد حكمه بااربعين من الرجـال و سـد نوبـه
دون حقه بالسيـوف المرهفـات الصيرميـه = أدب العاصين لين الدين والحكـم اقنعـوا بـه
الملـك عبدالعزيـز أزال ظلـم الجاهلـيـه = جعل نفسه يرحم الله عن هل النـار محجوبـه
عدلكم يا اخوان نوره مانحصـل عـدل زيـه = ينصر المظلـوم والظالـم يجـازى بالعقوبـه
يانوامي شجـرةٍ للشعـب دون الشمـس فيـه = ماسمعنا في ثمرها هرجـة النـاس الكذوبـه
مايغيـر مـن ولانـا لا كثـيـر ولا بلـيـها = لضعيف اللي جهل فضل الوطن وأهله ربوا به
لو اخويه منحرف فكـره ذبحتـه فـي يديـه = مانخون لعهد حكام الوطـن نصـرة شعوبـه
ياملكنـا منكـر المعـروف مـالـه قابلـيـه = لا يهمك من جهل وأعداه لامن غـروروا بـه
خان دينه والوطن وأمسى لعدوانـه ضحيـه = لابسن من شلة التكفيـر ثوبـن غيـر ثوبـه
وابشر إنا ياخو نوره نـورده حـوض المنيـه = لين يعلـن منكـر الإسـلام للإسـلام توبـه
مايغيـر مـن ولانـا لا كثـيـر ولا بلـيـه = الضعيف اللي جهل فضل الوطن وأهله ربوا به

وهذه قصيدة موجهة لأحد الأشخاص :

يالمغني للحون اخطيت فـي لحـن الربابـه = شلت للمسحوب والطرق المغنا به هجينـي
والبيوت تفسـر العريـف والمعنـى تشابـه = يابنات الفكر ردي من خيـال الفكـر دينـي
وانت مالك حق حتى انك تسويلـك اطلابـه = مدعي من دون حـق وضالماً لـك مسلمينـي
آخذن رقم التميـز دون شـك ولاغـرا بـه = وانت ماشفتك لو انك تعترض في نون عيني
المعرفه واسعـه والعـرف ماصكيـت بابـه = بس يابعد المسافه بيـن مـن مثلـك وبينـي
البحر لازاد موجـه يسبحـه مـن لايهابـه = وانت تغرق بالطوارف من يسار ومن يميني
ماانت مثل النابغه شاعر على عصر الصحابه = انت نجمن مع نجوم العرف نـوره مايبينـي
ياشحيح العرف من يفصل على جسمه ثيابـه = له رياجيـل المواهـب لاضلمتـه شاهدينـي
لد عينك للمطر والبـرق خيـره بالسحابـه = ارخ راسك فالذرى للسيـل حـذرى لاتبينـي
ياحلو رد البراء والسر فـي حبـر الكتابـه = الله أنـه يهـدي الجاهـل وانـا مايبتلينـي

وهناك قصائد أخرى سأضيفها ان شاء الله .