دم الفصيله

الهوى ياهل الهوى مثل البحر غدره منايا = يوم لك واحيان ضدك .. سهم رمياته ثقيله
لوصفا ماطاب لك .. لايعجِبَك عكس المرايا = لازم يدور الفلك ويغيب براق المخيله
اسألوا من عاش سيرة حُب مع صدق النوايا = لاتهنى به ولانال المكاسب من حصيله
عشت مع عذب اللما المملوح وضاح الثنايا = حاسب ان احلامنا تبقى لنا فتره طويله
مادريت ان الهوى وان راح .. لجذوره بقايا = تسكن بعوج الضلوع وتنتظر قدح الفتيله
والالم والجرح شاهد حال في وسط الحنايا = تجربه عايشتها مع شخص قلبي منتمي له
كنت احبه حُب اعمى .. كنت صندوق الخبايا = كنت كنت وكنت كنت وكانت ايامي جميله
امتزج حُبه بقلبي وارتوت منه الخلايا = لين سم الجسم واستحوذ على دم الفصيله
كل ماحللت وان الدم في لونه مزايا = نوب (+b )ونوب يصير سالب عزتي له
والنهايه يختفي فجأه ورى ستر البرايا = لاخبر لاصوت لارِسله تجيني واعني له
كل ماصار انتهى يالعنبو طرد الصبايا = موت وزيادة قهر وكبود عطشانه عليله
حبهن لذة غرام وساعة الفرقا رزايا = والهوى ما اظن له قاضي عداله نشتكي له

صح لسانك يابوماجد


ويشرفني ان اكون اول من رد على قصيدتك الرائعه\



وتقبل مروري وودي

صح لسانك يابو ماجد

صح لسانك اخوي واعتلى شانك
والله يعطيك العافيه على القصيده الرائعه

صح لسسانك يابو ماجد

شاعر متمكن وننتظر جديده بكل شوق

لله درك ياجميل

امتزج حُبه بقلبي وارتـوت منـه الخلايـا
لين سم الجسم واستحوذ على دم الفصيلـه
كل ماحللـت وان الـدم فـي لونـه مزايـا
نوب (+b )ونوب يصير سالب عزتـي لـه

الله عليك عزيزي / ابوماجد
نص ملئ بالاحاسيس الجياشه الجميله
لعبت على قافيه تطرب المشاعر قبل المسامع

دمت على كل خيررر

صح لسانك أخوي راع الوفاء

صح لسانك راع الوفا

ويعطيك الف عافيه على هالابيات الطيبه

صح لسانك على هذه الأبيات الجميلة

صح لسانك /يابو ماجد ولله درك شاعر متمكن ...وفي فتره قصيره حضرت واحضرت الجزاله..تقبل مروري