صاحبي مفلح

غير متواجد حالياً

بسم الله الرحمن الرحيم

السلام عليكم ورحمة الله وبركاته

اقدم لكم قصيدتي المتواضعه بشخص عزيز علي ورجل دندون

واتمنى ان يرتقي لمستوى ذائقتكم الرفيع

واليكم النص
/
/
/
/
/
/

ياصاحبي مفلح سلام وتحيه=تنصاك مني يازبون المخاسير
انا شهد انك انت ميه بميه=يابن الرجال اللي تدك الطوابير
قحطان ياللي تحتمون الونيه=اهل السيوف الداميات البواتير
والطاري اللي جابك اليوم ليه=يامرحبا به عد ماغرد الطير
ياحي ذا الطاري وياحي حيه=اللي يطريلي رجال(ن) مناعير
لانك اصيل ولك جمايل عليه=ولانك خويي بالليال المعاسير
انته ترا راع اليمين السخيه=تعطي لربك مادرا عنها الغير
رجل(ن) كريم وتشبه الطيب زيه=ومخاوي(ن) للطيب من عادك صغير
رجل(ن) شجاع وذيب انته حليه=هذاك ابن شالح شهير المشاهير
يالله عسا يفداك عيه وعيه=يفداك خبل(ن) راعي نومه وتصفير
والله يجيرك من سهوم المنيه=ويطول عمرك بالفرح والتباشير
وهذي قصيده جتك مني هديه=ياشوق راعية الثمان المصاغير
تاصلك مني يالسنافي عذيه=مختومة(ن) مني وانا ذخر لمطير

محبكم/عبدالله العوني