يشايبن من حب الاحباب مغبون=يبا يحب وزايمته الاعاقه
مدري بلاه الخوف ولا الدركسون=خانه وصابه في زمانه حماقه
قال المحبه قبل ذولا يقومون= يوم البداوه والهروج ابطلاقه
وحنا نقول الحب هالحين مصيون= وعلى نقاء مايدرقونه ادراقه
يامسند الزحزوح للحب قانون=وانته سجين ولا لقيت انطلاقه
شايب وعمرك صار من دون في دون=سنك من الستين كمل غلاقه
وحبابنا معاد فيكم يلدون=شايب ولوا يعطنه العهد باقه
وشلون تبغا تعشقه بنت وشلون=اللي ونينه مختلط مع اشهاقه
ويناس ياللي للحقيقه تعدون=قولوا لبو نافع يحلب نياقه
ويمسك عصا موسى بلا سحر فرعون=وياخذ من الشهد المصفى ذواقه
صح لسانك
حقيقه ابداع وتعامل عبقري مع الالفاظ
بطريقة مميزة تلفت وتشد الانتباه
تقبل مرور اختك شويهينه الهيلا
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
الاخت والشاعره شويهينه كلام طيب من شاعره كبيره بحجم الشاعره شويهينه
ولاهو غريب منها هذا الكلام
فهي شاعره الجيل الحالي من العنصر النسائي
لك الشكر والتقدير ياشاعره