بسم الله الرحمن الرحيم
اعدكم ساحاول جاهدا ان احضر لكم قصائد الشاعر / طامي موقد الزنغوب
ياوجد حالي على دنيا ولاماها= وجدٍ على وجد من داره سناويه
اقفى عليها الدهر واقفى وخلاها= كنه على روحته مجبور جبريه
حده زمانه على الفرقى وبلواها= واقفى وروحه على داره شفاويه
ماله جدى إلا عيونه نثرت ماها= على المحاجر لها سطوه وماريه
وأنا بعد ذقت لوعتها وفرقاها= زودٍ على لوعة الروحات والجيه
لكن عليه عهد لاموت ماأنساها= الا إني انسى عزاويه واهاليه
مدام رجلي خذت فالدرب ممشاها= لو إني أطى بها في جمرةٍ حيه
من خلقتي ما أتذرى الناس وحماها= لو إني اعيش في دارٍ خلاويه
كذا حياتي من أولها إالى أتلاها= لاضقت سجيت والايام عبريه