يابنت حطي فوق شاهيك نعناع

قصه طريفه بين مؤيد ومعارض لحياة الباديه..


((جوزا)) واختها ((سمرا))

من بني عبد الله من العضيلات من مطيــر ،، وكنُ كأمثالهن من نساء الباديه يتنقلن مع اهليهن في ربوع الصحراء حسب مايطيب لابلهم واغنامهم من مراعي بين الجبال والاوديه والمراعي الخضراء المزهره في ضواحي( المهد ) ..

تقدم بطلب الزواج منهن رجلان يسكنآن (جــده) ،وتزوجن وانتقلن مع ازواجهن الى حياة المدن، لكن جوزا لك ترغب ولم تأنس لحياة المدن والحضاره، وتفضل البداوه والبر ورؤية العشب ، وحنت الى حياة البداوه وصفاتها، وتمنت الخروج من المدينه بأسرع وقت ..وقآلت :

يابوي ياوجدي مع الصبح مطلاع=وجد الظمايا الي الماء حيامي
داجن وراجن ثم راحن مع القاع=ماقدمهن غير الدرك والمظامي

وعندما سمعتها اختها سمراء ردت عليها بأبيات وتذكرها ان البداوه راحت ، وان مافيها الا الشقا والتعب وتطلب منها انها تستمع بحياة الحضارة والراحه بعد ان تخلصت من حياة البداوة وقآلت :

يابنت حطي فوق شاهيك نعناع=وخلي الداوة والبلش والجهامي
ترا البداوه ماتجي لك بالاسناع=عسره ولا تبني لاهلها سنامي
رحتي تجيبين الحطب والبهم ضاع=واليا الغنم ملاوذه بالظلامي
وليا رجعتي للعرب عقب مفزاع=وليا ضيوفك مشتهين الطعامي

يعطيك العافيه اخوي كنق

الف شكر لك

يابنت حطي فوق شاهيك نعناع وخلي الداوة والبلش والجهامي
ترا البداوه ماتجي لك بالاسناع عسره ولا تبني لاهلها سنامي
رحتي تجيبين الحطب والبهم ضاع واليا الغنم ملاوذه بالظلامي
وليا رجعتي للعرب عقب مفزاع وليا ضيوفك مشتهين الطعامي


لو والله يا زين حياة البادية وياليتنا أدركناها كلها لكن مع الأسف ركب الحضارة أدركنا ..

تسلم يا كنق مطير على هالابداع في القصة والقصيدة .

الموضو ع مكككككككككككككككككككرررر

ولد الدويله الموضوع الي عندكم كنتو ناسبين القصيده لامراء ة عونيه اما هذا والله اعلم قد يكون الاحرى ..

نشكرك اخي كنق مطير ولا يصح إلا الصحيح وأقرأ الرابط لتعلم ان المرأة قنينية من ذوي عون
http://www.almouazeen.com/showthread.php?t=4605
وعضوتنا سنا برق قد التقت بمن قالت الأبيات شخصياً ونشكرك على النقل وسوف يتم نقله للمكررات

المعذره يابن مصآول الدعوى اجتهآد لا اكثر