مديت لي فنجال_ قصيده لهليل الميزاني

يازين شكلك زين وانته بعد زين= الله يفكك من صدوف المنايا
مديت لي فنجال ياداعج العين= وعقبت في قلبي جروح وكوايا
ماتدري أنك مسرفن بي من سنين= و لك منزله وسط الضلوع الحنايا
قلبي معك لوغبت لاتقولي وين= قلبي معك ماعاد قلبي معايا
لكن انا طالبك يازين ثنتين= تعطف على روحي وتدمح خطايا
ياعود موزن ناعسن بالبساتين= واللبه اللي تحت حمر الشفايا
وعنقن يهزقلوب كل المحبين= ياغايتي يامقصدي ياهوايا
وردفن يشيل الثوب والله ماهو شين=خذها حقيقه ياحسين السجايا
الحب نوخله رجالن سلاطين =والله عليم المطلع والخفايا
وياليت للعشاق قاضي قوانين= والله لقدم لي عليه ادعايا
اما جلست يسار ولاعلى يمين= في المحكمه قدام شيخ القضايا
جعله يقول اختار واختار فمرين=اما وفا والا يصدر جزايا
لاعاد تطلبني ولاطالبك دين = والله ماوردها وترجع ضمايا
السر بين اثنين مالناس دارين=مانطلعه لمنقلين الحكايا
وكتمان سرك مثل وزن الموازين=واللي يبيح السر حاش الزرايا
ويارب تفرج لي وتخزي الشياطين= يالواحد المعبود معطي العطايا
ولعل دارن تسكنه للودادين= ودان غيثن من جميع النحايا
يسقي الديار الممحله قولوا آمين= ضافي على كل الدير والقرايا
تنبت جباله والسهل والضلاعين=والعشب جاين له فنود وزوايا
تباشروا بالسيل الأقصى والأدنين= وشدوا على الركبي لحفظ المطايا
مستانسين وفي الدير مستريحين=تم الكلام وماكتبته كفايا

قصيده جميله

لو اني شاعر كان قيمتها 100%

بس العذر والسموحه ماني بشاعر

ولعـل دارن تسكنـه للـوداديـن **ودان غيثن مـن جميـع النحايـا
يسقي الديار الممحله قولوا آميـن **ضافي على كـل الديـر والقرايـا

آمـــــــــــــــــيــــــــــــــــــــن

صح لسانك قصيدة جزلة ,,,

صح لسانك
وقصيدهـ جزله

صح لسان ابو تركي ومشكور ياقناص

صح لسان الشاعر قصيدة جزلة من شاعر جزل

الحب نوخلـه رجالـن سلاطيـن=والله عليـم المطـلـع والخفـايـا
وياليت للعشـاق قاضـي قوانيـن=والله لقـدم لـي عليـه ادعـايـا

مشكور يالقناص على إدراج القصيدة