مجلس الاعضاء يرحب بكم

بسم الله الرحمن الرحيم

السلام عليكم ورحمة الله وبركاته

الاخوهـــ الاعضاء الكرام ...

اليوم افتتح هذا القسم بتاريخ 4/8/1430هـــــ

الهدف من هذا المجلس : تبادل العلوم والاخبار الفرديه والسوالف الجانبيه


من عنده سوالف او علوم يتفضل : بارك الله فيكم

ونا واقف اصب القهوه للنشاما اما الشاهي فمن هو عنده يالربع :

.

يعطيك العافيه اخوي راس الضلع

لكن جايه اسأل مافيه قسم للعوايل ههههههههه

يعني العضوات يقدرون يجون ولا لا

اليوم لكم عندي سالفه

او موقف طريف:

يوم كنا بالاستراحه

وجدة الاخ العزيز الرمح جالس لحاله وقاعد يكتب المهم ومير اتقرب له شيئً فشيئً حتى شفت وش يكتب

هاه يابو فهد وش تسوي قال احضر الخطاب اللي رايح اللقيه في الحفل

فقلت له اختصر يابوفهد اختصر

فقال : ماش انا ليا مشاء قلمي مايوقف

فقلت: ايه انت ما شاء الله عليك خطك زين ههههههه هنا المطب

فنظر اليه وسكت

فتداركت غلطتي

وقلت قصدي يابن الحلال قلمك واسلوبك في التعبير مميز

فنظر اليه وضحك وقال فاهمه من الاول يارجال بس فكني منك خلني اركز

عاد اخوكم مررره يحب التطفل بالحيل ومير انصرف عن الرمح واذهب لابحث عن اخ اخـر لعلي اجد تطفلي معه هههههه

هذا ماجاد به خطي اسف قصدي قلمي الليله .. ودمتم

المشاركة الأصلية كتبت بواسطة بنت الغلباء

يعطيك العافيه اخوي راس الضلع

لكن جايه اسأل مافيه قسم للعوايل ههههههههه

يعني العضوات يقدرون يجون ولا لا

طبعاً لا

هواحنا نقدر نستغني عن العضوات


بس رجاء عدم استحاب الاطفال

السلام عليكم ورحمة الله وبركاته
مساء الخير والاحساي والطيبه
كفو يالمنتدى الطيب صراحه مفخره لنا يالاعضاء
كل يوم شئ طيب جديد
المنتدى كل يوم يشرق بحلة جديده
وهذا توفيق من الله
وانا بصراحه اقولها مو مجاملها
ودي ادخل المنتدى 24 ساعه
لكن يعلم الله بظروفي العائليه والعمليه
وانا اجتهد في مواضيعي حسب الامكان والقدره
فإن حصل توفيق فهذا من الله
وإن حصل تقصير فهذا من نفسي والشيطان واعوذ بالله منه
في الختام لايسعني الا ان اتقدم بالشكر للاداره والمشرفين
لإتاحتنا الفرصه بالكتابه بما نريد
واشكر الاعضاء لمتابعة مواضيعي
وابشر ابعزك يابو احمد بصب القهوه والشاي والعشاء
والحلا والعلوم الطيبه لان بصراحه من يعرف هذا المنتدى يعرف العلوم الطيبه
وآسف للإطاله

المشاركة الأصلية كتبت بواسطة ولدالدويلة

السلام عليكم ورحمة الله وبركاته
مساء الخير والاحساي والطيبه
كفو يالمنتدى الطيب صراحه مفخره لنا يالاعضاء
كل يوم شئ طيب جديد
المنتدى كل يوم يشرق بحلة جديده
وهذا توفيق من الله
وانا بصراحه اقولها مو مجاملها
ودي ادخل المنتدى 24 ساعه
لكن يعلم الله بظروفي العائليه والعمليه
وانا اجتهد في مواضيعي حسب الامكان والقدره
فإن حصل توفيق فهذا من الله
وإن حصل تقصير فهذا من نفسي والشيطان واعوذ بالله منه
في الختام لايسعني الا ان اتقدم بالشكر للاداره والمشرفين
لإتاحتنا الفرصه بالكتابه بما نريد
واشكر الاعضاء لمتابعة مواضيعي
وابشر ابعزك يابو احمد بصب القهوه والشاي والعشاء
والحلا والعلوم الطيبه لان بصراحه من يعرف هذا المنتدى يعرف العلوم الطيبه
وآسف للإطاله

هلا وغلا

والله مدري وش اقول ياولد الدويله غمرتنا بطيبك
.

أشكرك يا ابا احمد على هذا المجلس علماً ان مجلس ابن مصاول فيه الخير والبركه لاكن ما نقول شيء مادام هذه رغبتك يا مساعد المدير وحنا نقدر نقول للمدراء شيء الله يستر لا يحطوا لنا زنزانه .
اما النسوه يابو احمد حطو لهن مجلس خاص وكتبوا عليه ممنوع دخول الرجال معك خبر سوالفهن تبا تصير ..........؟؟
وبعدين ما تشوف ان الدمقارطيه بتاعت المدير العام صارة عدوا حتى انت صرت دومقراطي الله يستر علي انا وبو فهد وخوانا الي على شاكلتنا .

ولي يومين وانا اقول وش ها الموقف الطريف واللي يمكن أجيبه قبلك واثرك هذا قصدك

صحيح والله يابو احمد والله لخصتك بعيني قلت خير ..... وخوك والله ماهو معك بس سمعتك يوم تقول خطك زين

وناظر خطي ولا كله شخاميط قلت إيه يجامل

والصراحة انا شفت الموضوع جد وانا ماكتبت شيء والموقف قد لايسمح با الإرتجال

فشرعت في الكتابة وانت رجعت بعدين تبي تصلح خطاك اللفظي

لكن الحمد لله الأمر جاء على مانحب وتأخر الحفل الخطابي مما جعل هناك متسع من الوقت

لكن جلستنا هنا وسواليفنا ماتضر المنتدى .......الأمر يحتاج الى دراسة واختيار وقت مناسب لذلك

المشاركة الأصلية كتبت بواسطة أبن مدلج1

هلا والله بابو مقرن

هذاك مجلس ابن مصاول مامعه شريك

اما هذا المجلس لكل الاعضاء حتى ابن مصاول ماحنا رادينه عنه هههههه

ايه ماعندنا مانع بس بعض الاعضاء يدخل يمهن ويسوي نفسه مـادرا وش الحل معه يابو مقرررن

ليش انتم خايفين من طي مق راطيتنا << يالله كتبها ههههه

................