أبيات قيلت في قبيلة مطير..oO

السلام عليكم ورحمة الله وبركاته
هذي أبيات شعريه قيلت في مطير

رفيـع الـراس ماينـداس جـزل إعلـوم مايحتـار
عريـب السـاس والكفيـن بيضـاء مـن فعايلـهـا
قبيـلـة وافـيـه والـوافـي الله عـالــم ٍ لـســرار
وفـوق اللـي يـقـال العـلـم يثـبـت لــك دلايلـهـا
لهم تاريخ مشرق يحتمـوا دونـه طـوال أعمـار
قبيلـة عــز فــي ضــل المـلـك بـانـت جمايلـهـا
مطير اللـي لهـم فـي قمـة العليـا حصـون ودار
مطـيـر الـعـز يـاهـل الـعـز والـعــزة سلايـلـهـا
علـي الله وأمانـه مامـدحـت إلاّ طـيـور أحــرار
وكتبـت المـدح فيهـم والمديـحـه فــي طوايلـهـا
على عز وشرف مامن طمع ولا ظهـور أخبـار
احـلـل كلمـتـي قـبـل انـطـق المعـنـى لأوايـلـهـا
وسلاآآآمتكمـ

مشكور أخوي
ع الابيات
بيض الله وجهك
تقبل مرووووووووووووري

تسلم يوجه السعد

مشكور اخوي عـــســـاف

العفو يبو راكان
تسلم

*
صح لسانك
****

صح بدنك
تقبلي تحياتي

مشكور يا عساف ولكن نرجو التوضيح هل الابيات من ننضمك أو من اختيارك؟؟

العفو يوجه الخير
أحب ألفت انتباهك لشيء أنا ذكرت في العنوان أن هذي الأبيات قيلت في قبيلة مطير بمعنى لست أنا القائل
صحيح عندي كتاباتي لكن ماتوصل لمستوى هذي الأبيات يعني شاعر مبتدئ
والسموح إن ماكتبت منقول
تقبل تحياتي أخي ابن غالب