السياحة الداخلية

السلام عليكم ..

هاي < لغير المسلمين ,,


اين انتم يامن أحببتكم ..

جلست باكيًا على عتبت بابكم ..

وسمع بكائي الأصم والأبكم ..

< يسمع بالخواطر خخخخخخخ

لعنبو ابليسكم كلها شهرين الي غبتها وتغيرو أعضاء الفرفشه .. أجل لو أغيب سنـــة ؟؟ ظنكم بيقفل غرام ؟ < يسويها خخخخخخخ

يالبى قلوبكم والله إني مشتاق للصرقعه والعلوم الكويسة

بشروني عسااكم إنبسطتو بإجازة الصيف ^_^

يالله كل واحد يدخل ويقول لنا وين صيـّـف وش سوّا .. ووش المواقف الطريفة الي حصلت له في إجازة الصيف .؟


بالنسبة لي ماخليت ولا ديرة مارحت لها .. زرة مناطق ربوع بلادي من اقصى الشمال عرعر إلى اقصى الجنوب خرخير < تلاحظون أسامي المناطق الحدودية جايه غلط ؟ خخخخ اموت وأعرف يوم سمّوها كذا كانت الأسامي بفلوس ؟ خخخخخ

المهم بقول لكم القصة وياويلكم إذا ما اعجبتكم




عقد الإجتماع في شقتنا الموقرة وبالتحديد في غرفة الإجتماعات < شقتهم قالبينها مكتب مقاولات وكان توزيع العمال كالأتي :

المدير العام : إرعصه بيه المحترم
أمين الصندوق : بدر سرّاق الحمام
مخطط الإجازة : فهد مدمن البطاطس

طبعًا بعد ماوزعنا الإعمال نقز عوّاد الأصلع وقال انا وش وظيفتي .. وبعد تفكير داما لساعات قررنا تعينه فكاهة الرحلات ..

المهم جمعنا القطـّـة 15000 ريال وبدأ الإجتماع تحت عنوان( أين سنقضي هذه الإجازة السعيدة ) . وبدأ النقاش وتبادل الأراء والإختلاف بوجهات النظر التي أدت للخناق والمطاقة قال بدر نبغى نصيـّـف في القاهره وعارضة فهد قال نبغى شرم الشيخ ونقز عوّاد الأصلع بعادته الغبية وقال لا القاهرة ولا شرم الشيخ وش رايكم نروح لمصر؟ خخخخخ
بينما كان مدير الإجتماع المذكور إسمه أعلاه يتفرّج بصمت وسكينه < يالبى قلبه حكيــم

وبين صخب الأراء والمعارضات نهض إرعصه بوحشية فطرق الطاولة بالشاكوش قائلاً : ( إنتهت الجلسة ) < يخرب بيت الأفلام المصرية خخخخخخ


لا لا صدز .. قالو العيال نبي نروح لمصر بس أنا رفضت بشدة وأتهمتهم بعد الوطنية والحب والإخلاص للوطن .. وإقترتح عليهم نفر المملكة من شمالها لجنوبها ومن شرقها لغربها حتى نتعرّف على ربوع بلادنا الحبيبة ,,

وياليتني سكت ورحنا لمصر ابرك خخخخخ

الوكاد أقلعنا وكان الإقلاع من مقر العمل في مدينة تبوك ..

إتجهنا إلى حد السعودية بالأردن محافظة ( حقل ) فلم نجد بها أهل القرية وعمّال البلدية ينظفون الشاطئ .. فأصبنا بخيبة أمل وأتجهنا مسرعين إلى شرما ماش مالقينا فيها فلــّــه خيام على الشاطئ واجار الخيمة 500 ريال والله لو إني دلخ ما أخذتها ومشينا ضباء بس للأسف نفس الحكاية .. ومن ضبا لـ جدة سحبنا على الوجه وينبع .. وجينا جدة غير الديرة الي جوّها مايخارخ بس أعجبتنا حركة الناس فيها نزلنا في شاطئ أبحر وركبنا الدبابات والخيول وطاح عوّاد الأصلع من فوق الفرس بس فكه الله ما أنكسر وركبناه سيسي ( بغل ) عشان يحافظ على توازنه خخخ وطلعنا من أبحر على المهرجانات ومن المهرجانات على المنتزهات ومدن الالعاب .. الوكاد إنبسطنا فيها 3 أيام ..

ومن جدة توجهنا إلى مكـة .. ومن الله علينا وإعتمرنا ومن مكة على الطايف مرورًا بالهدا أول ماجينا الهدا لقينا سيارات واجد واقفه وناس نازلة قلت خلونا نوقف نشوف ليكون حادث ولا هوشه نزلنا لقينا الناس تتفرج على القرود < لعنبو بليسكم قررررد مو حورية .. ومشينا للشفا وكان جو لا يعلى عليه وأنبسطنا فيه وطلعنا للردف < شي خيالي ( شجرتين وأربع دبابات وثلاث خيول وبغل واحد وكشك بليله وذرة وسبعين ألف سائح )< بالله وين الفلـه ؟

المهم أول مادخلنا الردف ويقفنا جمس الهيئة .. قال الشيخ الله يجزاه خير وش عندكم ياشباب ؟؟ قلت ياخوي نبي نتمشى مثلنا مثل العالم ؟ قال لا ممنوع تجوّل العزّاب .. قلت أجل خلو ردّفكم إلكم < زعلان خخخخخ

وطلعنا للطايف ولبرج العبيكان وتعشينا في البيـك . ومن بكرة مشينا للباحة الي مافيها غير الفقر خخخ ثم أبها والسودة الي جلسنا فيها مايقارب اسبوع جو لا يعلى عليه بس مصاريف بعد لا يعلى عليها نعنبو ابليسهم حتى البيبسي يبيعونه بريالين خخخخخخخ

ومن ابها على خميس مشيط ومشاهدة المهرجانات الصيفيه .. ومن الخميس على بيشة ومن بيشة على جازان وجزر الفرسان .. صراحه مدينة رائعـــة ومناظر أروع بس كتمتنا الرطوبة ومن جيزان على نجران على الشرقية وتمشينا في الشرقيه وإنبسطنا في الخبر والدمام .. ونزلنا للريــاض العاصمة وطعسنا في الثمامة وإنبسطنا في دوارات العويضة والمنتزاهات الي هناك وفرينا التحلية وتغدينا في المملكة وتعشينا في الفيصلية < تحسون إنه نصاب صح ؟ خخخ

ومن الرياض على القصيم ديرة الطيبين .. وإنبسطنا في بريدة وطلعنا لحائل وتعشينا في منتزه التل < أحسن مطعم في حايل خخخخ .. ومن حائل على تيماء وشربنا ماء من دوار القليب الي عندهم خخ ورجعنا لتبوك والحمد لله ..

طبعًا جميع ماذكر عاليه نصب في نصب ولا رحت ولا جيت .. مرتبط في عمل من تاريخ 20 / 6 .. إلى تاريخ 17 / 9 يعني من قبل الإجازة إلى نصف رمضان ولا أقدر لا أروح ولا أجي بس حسيت نفسي فاضي قلت ابربر عليــــكم ..

وإن شاء الله تكون القصة أعجبتكم .. وإذا فيه أخطاء علموني أعدلها .. وبعدين بكيفي أخطي ولا ما أخطي انا الي كاتب لا أنتم صدق ملاقيف واصلا الشرهه مو عليكم على الي يكتب لكم .. < عصبي مايقدر يصبر لين يختم الموضوع خخخخ

يلا يالربــــــع ..

قووط باااي

م/ن

ماهر فيه غيرمسلمين معنابالمنتدى؟علمناعشان ندعوه للإسلام قبل رمضان. إيه اعجبتناالسالفةبس تكفى لاتعصب عليناوتطلع حرتك فيني ههههه

خخخخخخخخخ
العفوو أختي ارجوان

يعطيك العافيه ياماهر المطيري


شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

العفوو أخوي شديد