بعد الفقر حطت شريحه وجوال!!!!!!!!!!!

السلام عليكم ورحمة الله وبركاته :

بعد الفقر حطت شريحه وجوال= يسعد مساء جوالها والشريحه
كانت تجيني تشتكي قلة المال= وتصيح لاج طاري الفقر صيحه
تقول ابوي دايم الدوم رحال= وامي كبيرة سن دايم طريحه
وانت الوحيد اللي له القلب ميال =دايم يصارحني وانا له صريحه
طفله وانا معشوقها بين الاطفال= جريح حب طاح له في جريحه
كنا سوى نرسم على التربه آمال=واحلام تقتلها الحياة الشحيحه
كم دمعة كانت على الخدتنهال= واذا نزلت ضاقت على الفسيحه
الله كم صرخه وهمسه وموال=كم جادت علينا القريحه
نخيل لو مافي السماء برق وخيال=وانكذب الايام لوهي صحيحه
تقول لاحطيت لك بشت وعقال= ويسر لك الرحمن عيشه مريحه
اخاف تتركني على عثرة الفال=للفقر ووجيه الحياه القبيحه
وحبيتها بين الاخلايق والازوال=حب يطول الوقت ماحد يزيحه
وسلمته قلب تباريه الاهوال =وطاح الخفوق وطيحة القلب طيحه
راحت وخلتني مع القيل والقال=شاعر صواديف الدهر تستبيحه
ودار الزمان وغير الحال بالحال= وجاها الزمان بكل ورده وشيحه
فله وخدامه ولكزس وجوال= وانا عجزت ادفع رسوم الشريحه

صح لسان الشاعر أخوي ولد الدويله ونشكرك على إنتقائك الرائع لمثل هذه الأشعار مما يدل أن هناك ذائقة رفيعه تتميز بها..

وكان موضوع هذه القصيدة الأساسي هو الشريحة والجوال واعتقد بان الشاعر قد قالها يوم ما كان الجوال بأسعار غالية في السعودية وكانت المكالمة بـــ1.6 هلله ...في ذلك الوقت لم يكن يملك جوال إلا القلائل اما هذه الأيام فقد أصبح يملكه حتى البنغاليه وكل طبقات المجتمع فقيرهم وغنيهم وهذه من نعم الله


أشكرك مرة اخرى على النقل ولا هنت

مشكور اخوي ولد الدويله على هذ النقل الجميل.

تحياتي واحترامي

*
اسمح لي ابدي اعجابي بقلمك
وتميزك واسلوبك الراقي
مشكووووووور ويعطيك
العافيه ولا هنت
تقبل تحياااتي
****

يعطيك العافية

مشكور اخوي على النقل

تحياتي لك