صفرين تسعه وسته سته تموني

سبب كتابته القصيده وهو ان الشيخ حمدان بن محمد بن راشد آل مكتوم

جاله تلفون بالغلط من بنت سعودية ما تدري ان هذا تلفون الشيخ حمدان فكتب فيها هذا الشعر..

يا مرحبا يا مغلط في تلفوني....
مسموح مسموح والغلطات عفوية

صفرين تسعه وسته سته تموني ....
الرقم هذا فتح خط السعوديه

ان قلت لبيك آمر هذي عيوني....
فتحت ذا القلب والنيه على النيه

خليت لك فالحنايا بصمه ولوني.....
تفرق على لون دمي في مجاريه

خليت لك يا حبيبي بيت فرعوني ....
يخربط الناس فالروحات والجيه

وخليت لك في عيوني ركض وضعوني....
تزعل وتنزل تحت جفني وفوقيه

يا صاحبي وان نشدني طيفك شلوني ....
أقول طيب وطيفك فيه ماريه

ماريتـ(ن) يوم تقبل تجذب لحوني ......
وأجر له من لحون الشوق قافيه

بيحت يا قاصد الغلطات مكنوني .......
وأنا رومنسي أحب أهل الرومنسية

من دونك أعيش وانته تعيش من دوني .......
يا لين أوحيت صوتك لعنبو حيه

رجت زوايا خفوقي وأنشد ركوني ....
وأنا ولد شيخ لي هيبه وشخصيه

الأرض أرضي وكون المرجله كوني .....
لكنه الحب والعاشق وطاريه

تكفون يا ناس بالله لا تلوموني ......
الصدفه اللي بلا ميعاد جبريه

سموني العاشق المغرم وسموني ....
الشاعر اللي قصايده ارتجاليه

قنابلـ(ن) من فكر راسي ومضموني ....
لكن قنابل غلا ما هي بذريه

وأغني البيت متراكب وموزوني .......
مبدع ومجنون و أفكاري خياليه

يا نجد ودي أغني بك على هوني .....
حورية الأرض فوق الأرض نجديه

ويا مرحبا يا مغلط في تلفوني .....
مسموح مسموح والغلطات عفويه

صفرين تسعه وسته سته تموني .....
الرقم هذا فتح خط السعوديه


مــــــــــما راق لــــــــــــي

الله عليك شويهينه

ابداع وكلمات جميله

تقبلي مروري


دمتي بود

خليت لك يا حبيبي بيت فرعوني ....

اول مكالمه وبالخطاء وصار حبيب!!!!

تعبير في غير محله

أختي شويهينه اسمحي لي أبدي إعجابي بذائقتك الشعرية .. ما شاء الله عليك جميع ماتطرحينه جميل جدا "


الله يعطيك العافية "


تقبلي مروري "

حب عن طريق التلفون اسمه حب السرعه
لانا في عصر السرعه
خخخخخخخخخخخخخخخ
تحياتي اختي ومشكوره على الموضوع

عزيزتي ارجواان تسلمين واسعدني مرورك الجميل

ابن غلاب حنى بوقت السرعه هههه

هذا حب الشيوخ عندكم مانع !!!!!ههههههههههههه

تسلمين اختي شويهينه الهيلا على النقل الرائع.

تحياتي..

تسلم ياجبر الخواطر تحياااااتي

ياالطويل انت صادق حب شيوخ والشيوخ ابخص