تكفا ترى تكفا تهز الرجاجيل ؟؟؟

السلام عليكم ورحمة الله وبركاته :

اما لطمنا العيل والا الطم العيل

مادام شب النار مندوب الاطفا

من ذاق حر القايله يعشق الليل

ومن شب ضوه ليلة البرد يدفـا

امسيت في جيلٍ ولاهوب ذالجيل

واصبحت والا ديرتي شبه منفـا

واللي حما بيته بطيـرن ابابيـل

ماجيت ادور كل من صد وقفا

ولاجيت ابشحذ يانما دلّه وهيل

جيتك وجرح الظلم غاديه يشفا

جيتك بكلمه كنها صعقة الويل

ان قلت تكفا لاتهـاون بتكفـا

تكفا تراها كلمةٍ تقطم الحيـل

لابالله الا تنسف الحيـل نسفـا

تكفا ترا تكفا لها هدرة السيـل

في صدر حرٍ ينتف الطيب نتفـا

تكفا ترا تكفا لها تسّرج الخيـل

ان كان لك في مجمع الخيل عسفا

تكفا تراني من قرومٍ مشاكيـل

حماية الساقه بسيـفٍ وشلفـا

تكفا وتكفا ماتسـاق لمهابيـل

تكفا تخلّي القرم لاشٍ وهطفـا

تكفا ترى تكفا تهزّ الرجاجيـل

لولا ظروف الوقت ماقلت تكفا

ملطوش لعيونكم

صح لسان شاعرها. وسلمت يداك اخوي ولد الدويلة على النقل

تكفا ترى تكفا تهزّ الرجاجيـل=لولا ظروف الوقت ماقلت تكفا

وهذا البيت مشهور لدى الجميع

دائما مميز حتى في نقلك يابو حمود

يعطيك العافيه ع نقل> ترر مايحب كلمة تكفي<

للمره الثانيه دايم متميز ولدالدويله اتمنا لك التوفيق تقبل مروري

صح لسان شاعرها والله يعطيك العافيه على النقل ولد الدويله

صح ألسان شاعرها ومشكور اخوي ولد الدويلة على النقل الأكثر من رائع
وتقبل تحيـــــــــاتي واحترامي

تسلم على مرورك العطر اخوي المشرف ابو راكان
وانا من كثر ما اسمع البيت كثير بحثت عن القصيده
ولاكن ما عرفت الى الآن من شاعرها

صح لسان الشاعر ومشكور على طرحك اخوي ولد الدويله