ضيقوا صدر العباااايه..ووسعوا اطراف الكموم..

العبايه عولموها وانفثو فيها السموم
ـــــــــــــــــــــ من ملاهي الرقص جابوا فكر تخصير العباة

ضيقوا صدر العباة ووسعوا اطراف الكموم
ــــــــــــــــــــ ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم
ـــــــــــــــــــ والغبية تحسبنها زايده زين وحــــــــــــلاة

والبراقع دلعوها لين عام الخد عوم
ـــــــــــــــــــ لازم القرضه توسع والكحل يلقى الحــــياة

طوروا شكل النقاب وصارت الدعوه علوم
ـــــــــــــــــــ صار شفاف(ن)يوضح خدها وايا الشـــــــفاة

وآخر الصرعه لثام(ن)يفتن الرجل العزوم
ـــــــــــــــــــ والفتن قالوا ضلاله للقلوب المؤمنـــــــــات

وش علامك بنت حوا تستبيحين السلوم ؟؟
ـــــــــــــــــــ والا مع خيلك ياشقراء بعضكم جنس البنـــات

قاهرتهم هالعبايه مايبون الستر دوم
ـــــــــــــــــــ جدهم (علمان) يعني لاصيام ولاصــــــــــــلاة

حطوا إن البنت سلعه وغلفوها بالهموم
ـــــــــــــــــــ وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم
ــــــــــــــــــ قايمه تحت المعادي لجل عين الشامخــــــات

من ظلمها يوم قام المعتصم من عز نوم
ــــــــــــــــــ قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم
ـــــــــــــــــ قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم
ـــــــــــــــــــ يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم
ــــــــــــــــــ وبيتنا صوم وصلاة وحج وأشهد والزكــــــــــاة

إتركيهم ياالطاهره وخلي اللايم يلوم
ـــــــــــــــــــ وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم
ـــــــــــــــــــ العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم
ـــــــــــــــــــ لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم
ــــــــــــــــــ أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم
ــــــــــــــــــ (يوم يابا)(يوم يابا)جاك عرق الراقصــــــــات

جت تقول إني أصيله قلت أنتي وجه بوم
ــــــــــــــــــ إعقبي منتي أصيله أنتي جزء من الحـــــصاة

ياعفيفه لايغرك بعض غربان(ن) تحوم
ــــــــــــــــــ أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم)
ــــــــــــــــــ عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم
ــــــــــــــــــ ياسعوديه طبعي أرقى فوق كل الطايــــــــــــــلات

إحذري يابنت منهم طبعهم نفث السموم
ــــــــــــــــــ عولمتهم لو أعرفها طلع معنى الشـــــــــــتات

ضيقوا صدر العباة ووسعوا اطراف الكموم
ــــــــــــــــــ وبيجي يوم(ن) نشوف شقوق في وسط العبــــاة

__________________

م/ن

بانت نحور الصبايا وانكشف شكل الهدوم
ـــــــــــــــــــ والغبية تحسبنها زايده زين وحــــــــــــلاة

سلمت الايادي يارذاذ على الاختيار الموفق
ويعطيك الف عافيه
ولكي خالص شكري

يعطيك العافيه

سلمت يمناك اختي رذاذ المطر على النقل الرائع لهذه القصيده الجميله التي تحكي حال بنات هذا الجيل في لبس العباة .

المشاركة الأصلية كتبت بواسطة فهد الشمشم

بانت نحور الصبايا وانكشف شكل الهدوم

ـــــــــــــــــــ والغبية تحسبنها زايده زين وحــــــــــــلاة

سلمت الايادي يارذاذ على الاختيار الموفق
ويعطيك الف عافيه
ولكي خالص شكري

اشكر لك تواجدك لاعدمنا هالطله اخوي فهد

.
.
كًلمــآُتٍ في قمــهُـ آلرووعـُهـ
وآللهٍـ يهدُي آلبنــآت

يًعّطْيَكِ آُلٍـفْ عَآّفًيَةُ
.
.

المشاركة الأصلية كتبت بواسطة بنت البقوم

يعطيك العافيه

ويعااااااااافيك يارب نورتي صفحاتي لاهنتي

المشاركة الأصلية كتبت بواسطة ابن مشدد

سلمت يمناك اختي رذاذ المطر على النقل الرائع لهذه القصيده الجميله التي تحكي حال بنات هذا الجيل في لبس العباة .

الله يسلمك ويعااااااافيك شاكره لك مرورك الكريم

المشاركة الأصلية كتبت بواسطة بنت برقا وللسماء ترقى

.
.
كًلمــآُتٍ في قمــهُـ آلرووعـُهـ
وآللهٍـ يهدُي آلبنــآت

يًعّطْيَكِ آُلٍـفْ عَآّفًيَةُ
.
.

يسلموووووووووو يالغلا لاعدمنا هالطله

المشاركة الأصلية كتبت بواسطة بنت البقوم

يعطيك العافيه

عوااااااافي بنوته ع المرور لاهنتي