بنت الرجال اللي لها بالزمن طيب... .تكرم شواربها وتحشم لحاها .

غير متواجد حالياً

أسمي قمر لو القمر عنكم يغيب ..
يبقى القمر نور الليال وضياها ..

نجم(ن) تعلا فوق كل المراقيب ..
وأجمل نجم بين النجوم بسماها ..

وبنت(ن) مايلحقها عيوب وعذاريب ..
الله من حلو الوصايف عطاها ..

بنت الرجال اللي لها بالزمن طيب ..
تكرم شواربها وتحشم لحاها ..

أهل الوفا وأهل الكرم والمواجيب ..
وتثبت على درب المعزه خطاها ..

وأنا قصيدي مثل شلفا تريحيب ..
اللي مع الأيام يبقى صداها ..

وحلمي بعيد وتنظره عيني إقريب ..
والنفس جاها بالزمن ماكفاها ..

الحظ عذبني مع الحب تعذيب ..
وأشواق روحي زودت لي شقاها ..

هذبت قافي مع هل الشعر تهذيب ..
وألفاظ فمي يرتقي مستواها ..

ما العب ولا أدور خبال ولواعيب ..
النفس تلقى في عملها جزاها ..

الله يادنيا العجب والتعاجيب ..
أربع حروف ومن كتب ماقراها ..

( ألف ولام وحاء والبا ) بترتيب ..
( سقم الحشا ) والخافيه في قفاها ..

مردود شرهاتك عناوين للعيب ..
وأسامي العالم تبين مداها

م/ن