المربعانية تشعل "شبة النار" وتحرق ملايين الريالات

القصيم: عايض المطيري

حلت بالمنطقة الوسطى من المملكة أول من أمس مربعانية الشتاء، معلنة دخول موسم بارد معبأ بريح شمالية وطقس وسمي جميل، خاصة إذا هطل المطر. ووفقا للفلكي السعودي الدكتور خالد الزعاق فإن الطقس في الأيام الأولى من المربعانية يميل إلى الاعتدال ثم يشتد البرد تدريجيا من خلال هبوب ريح شمالية غربية جافة، حيث تهلك الحشرات ويختفي الذباب وتسقط أوراق الشجر.
وتؤكد تعاملات أسواق الحطب أن السعوديين يحرقون ملايين الريالات في التلذذ بـ "شبة النار"، هذه الوسيلة القديمة المتجددة في تدفئة المنازل والاستراحات السعودية.
وتستمر المربعانية بهذا الاسم قياسا بمدتها (40 يوما)، حيث تبدأ في 23 ذي القعدة وتنتهي في 2 محرم من كل عام.

منقووول من صحيفة الوطن

أبن مصاول

مشكور على منقولك وبعدين والله مافي أحلى من شبة النار

والله مافيه احلى من شبة الناااااااار

المشاركة الأصلية كتبت بواسطة أبونواف

مشكور على منقولك وبعدين والله مافي أحلى من شبة النار

انت تقوله صادق ..والله أبن مصاول إذا ما شب النار في الشتاء كانه ما مر عليه شتاء ..بس الحطب ذبحنا أسعاره والله أني شاري بــحوالي 500 ريال ما يجي كم شبه بس الله يعينا على هالأسعار

تقبل شكري وإمتناني لمرورك يا غالي

أبن مصاول

المشاركة الأصلية كتبت بواسطة راس الضلع

والله مافيه احلى من شبة الناااااااار

حياك يا أبو احمد والله ان ريحتها في ملابسي أحسن من عطورات ديور وشانيل وانا ولد مصاول ...يا زين شبت النار وإجتماع الأحباب حولها والسمر الرائع ..تصدق أحسب أيام الأوووف علشان تجي وأستمتع بالبقاء في الخيمه وأشب النار وأنا لي حوالي خمس سنين من يوم ما حطيت الخيمه , البيت الداخلي انا ورعاني ما نعرفه مغير تلاقينا متبطحين في الخيمه هههههههههههه الحنين للماضي زين وشبة النار زينه والدفاء بعد وسوات قهوتك وشاهيك على ضوها ترد الروح ..وانتم يا اهل القصيم ما عليكم زود في شبات النار والإجتماعات المستمره..

والله يالربع احلا مافي الشتاء الجو والله يجيب الخير انشاءالله وفاكهة الشتاء اللي هي النار
ياهي تسوا شي كثير ومابالغ اذا قلت جسلة في بيت الشعر وعند الوجار وشبة النار احسن من فنادق
خمس انجوووم هههههههههههههههه

وبعدين يابن مصاول 500 وينه هذا والله رخيص بالنسبه في الاسعاار اللي بالرياض تخيل السنه الماضيه نأخذه 650 الى 800 ريال الأن يبداء 1200 ومجبورين نشري والله يعين

ولكم أجمل تحياتي

المشاركة الأصلية كتبت بواسطة ولدعون

والله يالربع احلا مافي الشتاء الجو والله يجيب الخير انشاءالله وفاكهة الشتاء اللي هي النار
ياهي تسوا شي كثير ومابالغ اذا قلت جسلة في بيت الشعر وعند الوجار وشبة النار احسن من فنادق
خمس انجوووم هههههههههههههههه

وبعدين يابن مصاول 500 وينه هذا والله رخيص بالنسبه في الاسعاار اللي بالرياض تخيل السنه الماضيه نأخذه 650 الى 800 ريال الأن يبداء 1200 ومجبورين نشري والله يعين

ولكم أجمل تحياتي

أفكار شيبان هههههههههههههه انا وياك يا ولد عون ....وانت تقوله صادق والله أني سكنت في رحلاتي في فنادق 7 نجوم والله لو تخيرني يا ولد عون بينها وبين شبة النار والسمر حولها لا أقول لا بو الفنادق لا أبو 7 نجوم ولا ***** نجوم يالربع كل سنه ما تجي هبت برد شوي إلا تلاقينا مشعللين هالنيران الله يكفينا شرها (النويفعه) ...

أما بالنسبة لسعر الحطب فانا ما قلت في مداخلتي السابقة الكميه ...فــــ500 ريال ما يطلع لك بها اكثر من ثلث صندوق ددسن.....

عاد في الأحساء نحن نعاني من غلاء أسعار الحطب فنحن هنا يباع علينا بضعف سعر الرياض...

قبل كم يوم شريت بــ200 ريال والله ما يجي 15 ربطه ولكن السمر نوعيته طيبه ...وانتبهوا من الغش الذي يقوده العماله فقد أصبحوا يدسون شجر الشوار المقطوعة داخل حطب السمر والأرطاء والسلم ويقولون أنه من نفس النوعيه ..

قبل كم يوم وانا رايح لسوق الحطب في الأحساء أستوقفني منظر سيارة دادسون معباءة بالحطب فتوقفت لأستطلع الأمر لأن الحطب قريب بالنسبة لمسافة السوق ولأنني رأيته اجنبي (باكستاني) وقلت اكيد يبي يبيعني بأقل سعر....

المهم توقفت وتفحصت الحطب قلت لراعي الحطب: هذا ماهو حطب سمر بصوت عالي!!! فتلخبط وقال لا صديق هذا حطب شوارع !!!! قلت طيب بكم الدادسون ؟؟؟ قال : بـــ500 قلت 500 لحطب شوارع ومخلفات المزارع؟؟ قال إذا ماهو عاجبك بين البايع والشاري يفتح الله!!!!

واكملت طريقي لسوق الحطب .....وسلامتكم فأنتبهوا


أبن مصاول