مساجله بيني وبين الشاعر حزام عبدالله الحريص

هذي قصديتي الموجهة للشاعر حزام الحريّص

سلام تسليمة بحكمه ومنطوق = من كف يمنايه ليمنن تمده

مثل العسل طعمه على كبد مخلوق =من حلو طعمه كل نفسٍ توده

يابو شرف سقنا لك العاصيه سوق = بأشدتن ولا على غير اشده

اربع شهور وكل مطرود ملحوق = وأذا حصل شيىءٍ بخا طرك عده

هماتناقدام وا نظارنا فوق =وأذا كربنا الحبل ماعيد شده

والراس عوني ولي صيلات في روق= يو من كلن يفتخر باسم جده

والفكر حرا من مسابيق مطلوق = ويرثع بجولن للحباري وهده

كفه اليا حول على الخرب من فوق =العظم قص وهامة الراس قده

من يونس الصفقه اليا صار مصفوق= اللي ماهو داري ماأونس بخده

ومن حس جوفه ممزع منه معلوق =يالله ثبت له فواده ورده

رد الشاعر حزام عبدالله الحريص :

يامرحبا مانت على الطيب مسبوق =الطيب ساس ذياب وذياب قده

يامرحبا في عون و خوالهم روق=لوازم الرجا ل دايم تسده

ياطارق الطاروق بالبدع والذوق=عسف القوفي طايعه مستجده

تسوقها شردن كماطايع النوق=حتى مشن مع سكتن مجرهده

دام السحاب حيال ومزون وبروق =سحاب يشكي منه جزره ومده

ليا دخلت السوق خبرتك بالسوق =لاتحسبن الراس فوق المخده

تنظر وينظرك محمد ومرزوق =وهوز البحر وتعرف مزحه وجده

مالي ولا في خاطر ي منك معلوق = غالي حشيم ولك بقلبي موده

ياذياب خل السر في وسط صندوق =ولاتلتفت للمزوده ولاشده

ليا برك للحمل طوق ورى طوق =اجمالنا بحمولها مستعده

رد ي مرة أخرى على الشاعر حزام الحريّص

يامرحبا مادارت العين بالموق = عداد ثمرن من عذوقه نجده

جاني مردك فالبحر حمل زاروق = اصبر علي أحمله ثم أرده

خبير نفسي خبر عاشق لمعشوق = وانا حكم نفسي وكلن ومده

واتصرف بعقلي ولاني بمطفوق = ولا مزح صبي العين بالكف الده

اما اخذ الفنجال من كف فاروق = والا لغيري يابن عباد عده

وقلبي على محناه ماهو بمفتوق = واضرب بسيفٍ يكسر العظم حده

ولي منهجن ماعنه اجنب ولااتوق = حبلن يوصل بين رابغ وجده

والدم في مجراه والساقي عروق =والذيب ماياكل لحم كف يده

صورت شكل الوجه والشعر مفهوق = وشربت عذب الما على جال عده

أخوكم الشاعر ذياب بن صقر بن صلال الميزاني .

صح لسان الشاعرين ذياب صقر والشاعر عبدالله الحريص.ولاهنت يابو بدر على اضافه هذه المساجله وقد تم التعديل كما طلبت وتم تنسيق القصايد كما هو موضح اعلاه.


أبو راكان

صح لسان الشاعرين ذياب صقر والشاعر عبدالله الحريص ومساجله طيبه ومن نظرنا نرى أن رد الحريص أقوى وهناك أبيات في ردود بن صقر يراد لها إعادة نظر لثقلها أو لسقوط حروف بها..

أنت طلبت رأي الجمهور وانا أبديت لك رأيي كما أقراء

يعطيك العافيه يابن مصاول علي هذا المرور\\راي ويعبر عن وجهة نظر صاحبه فقط \لك نظرتن وحده وللناس نظرات ولافيه ماء وادي قطع سيل وادي

تسلم على النقل اخوي ابوبدر وصح لسان الشاعرين وننتظر الجديد منك اخوي ابو بدر

يعطيكم العافيه علي المرور

صحت السنتكم ياشعار ومساجله جزله ممتعه وارئع تشكرون عليه جزيل الشكر


ننتضر المزيد منكم الله يعطيك العافيه يابو بدر على هذا النقل شكراً بارك الله فيك

تحياتي للجميع

صح لسانك وصح لسان حزام الحريص قصائد
ثقيلة الوزن وكبيرت الجزاااله

السلام عليكم ورحمة الله وبركاته وبعد /

شعر جميل أبدعا فيه كلا الشاعرينِ .
ودمتم سالمين