قصيد الشاعر مشعل بجادالمطيري

شغل اللكزس نبا نسمع دويه= وعرضه يانوح في وسق الزباره
والحساني مانجازيها بسيه=ومن كسر عضمين كسرنا فقاره
واوجودي فوق شرب الشاذليه=وجد مصريآ تغرب عن دياره
طالت الغربه وحضه في لويه=مادرا الاطايحله في خباره
وموتره خربان مجهول الهويه=وضاعت الرخصه ولافيه استماره
وخاتم ابن عميش له كفن نديه= رئيس المركز تزهاه الاماره
من ذوي ميزان وعلومه طريه= في عريق الدسم عانه شب ناره
ومايقلط لضيوف الا الثنيه=شيخنا اللي مايحسب للخساره
ياخذ السكين بعزومن قويه= يوم بعض الناس ماصوت لجاره
ان نخيته جاك ويحل القضيه=ون نصيته فاتحن باب العماره
فالمراكز مالقينا شيخ زيه=مع شيوخ امطير سجل فالوزاره
ولو تعود للعزاوي والحميه=من نهار السبت صدرنا قراره
يوم ولد اللاش ماينفع خويه=يحسبن المال كله لتجاره
خاتم ابن عميش درع الضاهريه=جامعن بين البداوه والحضاره
والقصيده جات من مشعل هديه=قالها فالطيب اللي له وقاره

مشكور على النقل وصح لسان مشعل بجاد والحقيقة قصيدة جزله

صح السانك يالشاعر مشعل بن بجاد الميزاني والله يعطيك العافيه يابو بدر وقصيدة جزله والشيخ خاتم بن عميش الميزاني يستاهل مافيه كلام هذه القصيدة الجزله ويستاهل اكثر شكرا بارك الله فيك
شكرا على نقل القصيدة يا ابن فارس وننتضر جديد مشعل

صح لسان الشاعر/مشعل بجاد. ويستاهل ابو عبدالاله.
ولاهنت يابن فارس الميزاني

صح لسان الشاعر مشعل بجاد وبيض الله وجهه على القصيده

ولاهنت اخوي على النقل

صح لفسانك يأبو بجاد ومشكور على النقل يابو فارس