حال الشباب في القهاوي مدري ليش حاسدينا البنات

سلام عليكم ياعيال

شلونكم .. عساكم بخير ان شاء الله < اٌخلص

لاحظت بعض البنات حاسدين الشباب على الطلعات والخرجات وعلى السردحه طول الليل والنهار
السردحه = الفرفره والدجه
وقيل فيها ايضا انها تعني / التبطح كل شوي في مكان وهذه من صفات القطاوه في القوايل .. كل شوي ينبطح القطو تحت سياره يدور البراد

وقد رأيت اثابكم الله رداَ على موضوع ما .. من فتاة قالت فيه ( يكفي انكم تطلعون وتتجمعون في القهاوي ) ههههههههه < الله يرحم والدينا ووالدينك بس يا اختي العزيزه
حاسدتنا على القهاوي المخيسه ؟ ههههههههه القهاوي مرتع المنسمين والعرابجه ...

على بالها مسكينه ان القهاوي وناااسه
بعطيكم مثال بسيط على عيشة القهاوي كل ليلة ..

خالد ... بندر .. عبدالعزيز .. محسن الطرش ..عبدالله القزم

هذي شلتي المنتهيه .. كلنا طلاب جامعه ماعدى عبدالله القزم موظف .. وشايف نفسه علينا .. تبا له ترمس الشاهي

كل يوم نتاقبل في القهوه .. ومستأجرين غرفه خاصه فينا في القهوه ..

الغرفه مخنزززززززززززه ... لو يدخلها كلب الله يكرمكم خرج وهو ماسك خشمـه ههههههههههههه
نتجمع فيها كل ليله من الساعه 9 ليلا .. وعاد انا اكون اول الحاضرين اغلب الاحيان علشان امسك الطراحه واتمدد عليها براحتي . ومحدن يجي يحاشرني عليها
فيها تلفزيون . وبلايستشين وفيها نت. .. وفيها ثلاجه خربانه وش نبي فيها مدري .؟ حاطينها زينه خخخخخ ؟!؟ .. وفيها اربع معسلات ... وفيها دلال وحلال وبراريد وصحون وشاهي وقهوه وتمر .... وجراك وفحم وبرميل مويه كبر راس محسن الطرطشلي ..
باب الغرفه مايتقفل اصلا .. ناس رايحه وناس جايه .. من ربعي وربع الشباب بالليل والنهار ..
البنقالي كان يدخل ينظف الغرفه في الاسبوع مرتين ونعطيه عشر ريال .. البنقالي تعب صراحه ههههههههه كل مايدخل الغرفه يطلع وهو محمل كم كيس من القرف الي في الغرفه ...
الي ياكل ويخلي اكله مرمي على الارض مايشيله .. واذا احد قاله شيل زبالتك يامروح يامعفن .. قال .. وشهوله نعطي البنقالي عشر ريال كل اسبوع ؟؟؟ يلعن شكلك طيب شيل الي اكلته يالووووح .. ومو راضي يشيله ..
القطاوه صارت زي الاسود في القهوه والسبب من الاكل الي يخلونه مرمي على الارض .. يدخل القطوا القهوه وياكل ليييييييين ينتفخ ..
البنقالي الي ينظف الغرفه قرف عمره من الحاله هذي .. كل مايخش الغرفه .. تصيبه حاله من الهستيريا .. ويخرج يهايط على الشعب ههههههههههه ( يسكر من ريحة الغرفه )

الموهم .. نتجمع .. وكل واحد على حال ..
الي يدخل وهو مبسوط ومستانس .. والي يدخل وهو يهايط علينا .. والي يجي يقول .. ( اقسم بالله لاكسر روسكم اليوم ) يالله يالله قييييييييم قييييييييييييييييييم < يقصد بلايستشن

والي يدخل وهو يصارخ من هموم البيت والي يجي يكتئب عندنا ويجلس ساكت تقول عجيز فاقده شايبها

كل يوم هوشه ... كل يوم هوووووووووووشه بيننا ... اذا ماتهاوشنا على سبب جامد . نتهاوش على اتفه الاسباب هههههههه مره تهاوشنا بسبب الفناجيل ( صبيت لعبدالعزيز شاهي وكان فنجاله وسخ ) قال ليه تصب لي في الفنجال الوسخ ؟؟؟ عطني فنجالك ؟؟ قلت تبطي ههههههههههه تاخذ فنجالي من يدي ؟؟؟ صاحي انت كانك فسخت ملابسي وانا راضي عنك كذا .. اعقب بس لا اقوم امددك في الغرفه بالعقال ..< مجموعة مهايطيه
ومره تهاوشنا بسبب النت .. عيا عبدالله يدفع القطه حقت النت .؟ والقطه كلها 70 ريال ؟ يلعن شكله البخيل ..

البلوت عاد هذا شيء ثــــــااني ... انواع الذب واللعانه تصير بيننا بسبته

عبدالله الدلخ مايعرف يلعب بلوت ومايواطنه .. يقول ماحب العب .. وهو خايف احد يحشره في اللعب وينلعن جدف جدفه من خويه الي قدامه

الطرش محسن ... اسرع انسان في الدنيا يعصب .. ويحقد على الي قدامه لو راحت عليه اكله او لعب حكم وطار عليه هههههههههه
واذا عصب .. يحمر وجهه الي كأنه طماطم حجم عائلي . خخخخخخخ وخذلك من الكلام ( الله ينعنك ياوجه الزفدع ( الضدفع ) ياواد العب كويس بلابشكلك ... دحين انا قولتلك العب كدا ؟؟ ياخول .. انتا مجنون .؟ تلعب التسعه في الحكم وماتدري ولد الحكم نزل ولى لسى .. الله يلعن وجهك يافنطل )
الحجازي اذا عصب ؟ ياساتر بس ههههههه ينتف الي قدامه عشر الالف كلمه في الدقيقه
وانواع الصرقعه والهوشات والمصخره تصير ... بسبب هالبلوت .. ومرات توصل للهوشات الحاميه

عاد قناة غنوه شيء ثاني
قناة غنوه تعتبر استكنان للشباب في القهاوي .. ههههههههههههه
اذا تجمعوا الشباب يسولفون وحطوا قناة غنوه ؟؟ < تسمع انواع التنهد خخخ
الي يقول .. ياويل قلبي ويلااااه ..
والي يقول .. يالبييييييييه
والي يقول .. المشكى على الله
والي يقول .. الله لايحرمنا
والي يقول .. ياليت من له مثلها

هذا غير النذاله والمقالب خخخخخخخ
واحد من الشباب سوى فينا مقلب اليييييييييييم ... عاد حنا نفسخ الاحذيه برى الغرفه ...
عاد هو حاقد وجمع احذيتنا الله يكرمكم وحطها في كيس وهج
تخيلوا اشكالنا طالعين حافين من بين الخلايق ... الشعب فاطس ضحك علينا
ومره عبدالعزيز رمى علينا جوة الغرفه ( طرطعان ) او مايسمى العاب ناريه بس من النوع الصغير

كلنا تجمعنا على الطرطعان نشوف وش هذا انحذف علينا .؟!؟!؟ نشوف دخان يطلع منه ولونه اسود وفيه شرار خخخخخ ( بوووووووووووووم ) كل واحد ركب على ظهر الثاني من الخووف
ياويل واحد ابوه ولا امه تتصل عليه وتقوله وينك تأخرت خخخخخخخ يآخذونه الباقين طقطقه
روح ياولد الماما ... روح يادلوع ... روح امك خايفه عليك .. روح قبل مايجي ابوك يدور عليك

نسهر لحد الساعه 1 او 2 في الايام العاديه .. ولحد الفجر في الاجازات .. نتهاوش وتلاعن .. بس ما اخفيكم ان فيها ونـاسه .. بس من كثر مانروح ونتجمع صرنا مثل الجارات > بس نتلاسن

حبيت اعطيكم فكره عن حياة الشباب في القهاوي وهي اكيد لاتخفى على الشباب .. بس فتحت نافذه للي مايعرف هالحياة .. يكون عرفها الحين