السلام عليكم ورحمة الله وبركاته
أمانه لارحلتي ودّعي قلبي شويّ .. شويّ = تراني منكسر من سيرة الفرقا وطاريها
تراني من هذاك اليوم .. لاميت ولاني حيّ = ولا ادري عن جميع الناس قاصيها ودانيها
امانه وش معي ؟ .. والا وش اللي من غيابك ليّ ! = ياكود الوّنه اللي ماتعدّت صدر راعيها
على حطة يدك / كل الطعون النازفه .. هيّ هيّ = بعد .. حتى انشراحة خاطري مني سرقتيها
انا مثل الغريب .. وغربة احبابي طوتني طيّ = اجاهد ضيقتي .. وظروف وقتي ويش اسميّها
ياويّ من السفر .. ومن الغياب المنتظر ياويّ = بلياك الحياه الهاديه وش حاجتي فيها !
بعد بان الصباح .. وذعذع الغربي .. ومال الفيّ = تنّهت .. وطرت لي ساعةٍ ماني بناسيها
هي اللي باقية لي من لقاك وذكريات الغيّ = تعزيني بعدك من الجروح اللي تركتيها
فمان الله .. رووحي .. والا انا مافي يديني شيّ = عسى عينٍ جفاها نومها .. تفرح بغاليها
~أتمنى تعجبكم ~
« آخـــر الـــمـــشـــاركــــات »
غير متواجد حالياً
أمانة لارحلتي ودعي قلبي شوي شوي
