جـــروح الوقــت

اخواني اعضاء منتديات الموازين

السلام عليكم ورحمة الله وبركاته

اعتذر عن طول الغيبه وذلك لظروف خااصه

ويسرني ان اطـــــرح بين ايدكم هذه القصيدهـ والتي اتمنى ان تنال اعجابكم

ياوقت و ضلوع الحشا دمها سال=لكني اكابر... وأقــوول:اني بخير
مابيه...يفــرح كل حاســد وعــذال=اللي على جرحي يسوق التباشير
(جروح وقت)و(مــرّ غربه) وترحـال=وأمــر وادهى اللي حصل دون تبرير
وين انت؟؟يازولن ولا كــل الازوال=اللي على شانه تهـــون المشاوير
(ربيع وصله) يحيي عــروق وامــال=و(شمعــة غرامه) تضوي الدرب وتنير
كانــت هنــا تختـــال..وهناك تختـــال=و(نهــر المواصل) يجري الصبح وعصير
كنــا..وكنــا للغـــلا مضــرب أمثـــال=وكانت!! وكانت لكن؟؟ القسمه تصير!!
فجأه كـذا؟؟ (بــرج الغـــلا) قام ينهال=وانزاح(حلم العلم) من دون تفسير
(سحاب عيني)بعض الأحيان همال=ليامن ذكرت ايامنا اللي مضت غير
و((ميثاق حبن)) كان له قدر وإجلال=قطـّـعته(سيوف الفراق) البواتير
واليوم حتى بيننا (قطع الارسال)=وان جيتهم من باب حشمه وتقدير
(سموم هجره)مابقى دونها اظلال=(وسهوم هرجه) مثل طعن المسامير
حسبي على من بدل الحاال باحوال=احرق ثياب الوصل (نفّاخت الكير)
ومادام غض الطرف مع هرجهم مال=قولوا له انه صار في عيني اصغير
يبشر بفرقاً عمرها اجيال واجياال=ماني بمن يرجي قلوب المدابير
ارحل فمان الله ياسمـــح الاقبــال=عساك تلقي خير والقي بعد خير

سيـــف الراشـــد

صح لسانك أخوي سيف الراشد

صح لسانك اخوووي
لاهنت

ياسلااااااااااااااام على الابداع
قصيده ولا اروع
سلم نبضك اخي الكريم

صح لسانك اخوي ع ها الابيات

صح لسانك اخوي سيف الراشد
على القصيده و الابداع المطلق
ولاهنت ....

صح لسانك اخوووي
لاهنت

صح لسانك اخي سيف الراشد وقصيدة جزلة من رجل عرف بالجزالة لله درك على هذه الرائعه

كـــانـــت هـــنـــا تـخـتـال..وهـنــاك تــخــتـــال=و(نهر المواصل) يجري الصبح وعصير

الله ..الله صح لسانك وأعتلا شأنك

وإذا كل مره بتغيب وتأتي بأعذب القصيد فلا مشكلة ولكن لا يطول غيابك أخي العزيز وشاعرنا القدير

صح لسانك اخي سيف الراشد على هالقصيده الجزله

كانـت هنـا تختال..وهنـاك تخـتـال و(نهر المواصل) يجري الصبح وعصير

الله الله عليك اخوي سيف الراشد
والله قصيده جزله وهي اشبه مايكون بلوحه فنيه راقيه
اعجبني تصويرك في البيت اعلاه فعلا انت مبدع
تقبل مروري ودمت بخير