المريخي يكشف آخر ما قاله والده قبل أن يتشهد

رثى الشاعر خالد المريخي والده الشيخ غنام بن مناحي بن مسمار الذي توفي في حادث سير قرب المجمع بحفر الباطن قبل ثلاثة أيام، بقصيدة مؤثرة خص بها "سبق".

وكتب المريخي بلغة مغموسة بالحزن، تجسد حجم الفقد الذي فُجع به، متذكراً مآثر الفقيد.

قبل لايتشهد نشد عن اعياله=أنا اشهد انه غير كل الرياجيل
مرحوم ياشيخ(ن) عمامه خواله=ياعل قبر(ن) ظم جثتك للسيل
احب رجلينه واقبّل انعاله=مليان راسه طيب ماطاب تمثيل
بالمرجله غنام دايم لحاله=من جاه يبشر بالسعد والمعاميل
اليا اعجزو عن قولة الحق قاله=اصدق رجل شافت اعيوني بهالجيل
ياكثر ما ناصف خويه حلاله=ماعمرها ملت امتونه من الشيل
وحيد ماغير الله احد ارتكاله=واليا نووه ابشر ماشره اقليل
يمناه بالفزعات تسبق شماله=يفزع محبه مايدور محاصيل
من عقب موته حالت الكل حاله=عَجْزت عقب موته اتوفـّي مناديل
قبل لايفرح في مراجل اعياله=اختاره الله شيخ كل الرياجيل

خالد المريخي شاعر كبير
وابيات نثر فيها من الحزن والاسى الشيء الكثير
والله يرحم والده ويغفرله

لاهنت ع النقل ابو العز

أشكرك أبن الشاعر على مرورك المميز

صح لسان الشاعر خالد


والله يرحم والده ويسكنه الجنه ان شا ءالله


ويعطيك الف عافيه ابو العز

الله يرحم والدك ياخالد المريخي

شاعر ومن العيار الثقيل

يعطيك العافيه ابو العز

متميز دائما بطرح ماهو كل جديد

رحم الله غنام المريخي والد الشاعر خالد المريخي وقصيدة مؤثره جداً

نشكرك على نقلها اخي أبو العز

رحمة الله عليه
واسكنه وموتى المسلمين فسيح الجنات

صح لسان الشاعر خالد


والله يرحم والده ويسكنه الجنه ان شا ءالله


ويعطيك الف عافيه ابو العز

صح لسان الشاعر خالد المريخي


والله يرحم والده ويسكنه الجنه ان شا ءالله


ويعطيك الف عافيه ابو العز على نقلك المميز

صح لسان المريخي ورحم الله أبوه والف شكر لك أخوي ابو العز على النقل