مادمت تنشد يارفيقي عن الحال..

مادمت تنشد يارفيقي .. عن الحال
..................... مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

طاحت ، ولاْوفق من حناياك منزال
..................... وابطلبك .. يابدر ( تكمى ) المخيله

ان قيل ترعد .. قلهم : صوت زلزال
.................. وان قيل تبرق .. شف لها ادناة حيله

مابي .. تناقلها هل القيل والقال
..................... .. وتصير من بعد القصيره .. طويله
يابدر .. !!
يابدر .. ماني عال .. لو صحتي عال
.................... .. شفني من الصدمات نفسي عليله

اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )

سبحان منهو يابدرغيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!




رااائعه من روائع الشاعر المبدع \خلف بن مشعان

صح لسان الشاعر خلف

ويعطيك الف عافيه ابو العز على منقولك المميز

الله يعافيك يالمشرف النشط مواعيدك سراب على المرور الغالي

يعطيك الف عافيه
تقديري لك

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ومن كان ساسه للردى مضرب امثال
................. .. اليوم .. يحسب من كبار القبيله ..!!

صح لسان شاعرها
ابداع في كل بيت له صوره شعريه مختلفه
ابيات رائعه
يعطيك العافيه على القصيده الرائعه

ولد الشمشم مشكور على المرور الغالي

شجون الليل مشكوره يالغلا على المرور

صح لسان الشاعر خلف
تسلم يمينك اخوي ابو العز ع النقل