ان عشت يا راسي كسيتك عمامه ...للشاعر الفارس/محمد بن سرار المنبهي الشهراني

هذه القصيدة هي من القصائد المشهورة وخاصة أنه أشتهر منها مطلعها الذي يقول:

ان عشت يا راسي كسيتك عمامه=وان مت يا راسي فدتك العمايم

وهي للشاعر الفارس/محمد بن سرار المنبهي الشهراني

ان عشت يا راسي كسيتك عمامه=وان مت يا راسي فدتك العمايم
يا راس شيبك ما بدا بك مذله=والشيب تكرم به كبار اللمايم
الاجواد يكرم شيبها في مشيبها=نقالة القاله محوص الصرايم
ياما نطحنا في الصبا من قبيله=يوم الصبا والرمح للكيف رايم
و ياما خذينا تونا من كسابه=بسيوفنا راحت تقسم غنايم
و ياما نسفناهم على جال وادي=و ياما نحونا فوق سود الشكايم
اربع مية خيال جونا مسيره=جونا يبون الغرس حلو الطعايم
وقالوا يسار الغرس والا يمينه=امس لكم واليوم جا فيه سايم
وقلنا لهم من دونه الموت حامي=اليوم نهدي الروح نخشى اللوايم
وثنيتها لعيون غرس بكاير= يثمر بهيبتنا غصونه نعايم
واخذت اطاردهم وانا فوق قبا=مثل الهدود اللي عن العشب صايم
تلحق ليا غارت ولا يلّحق بها= شقرا ولا ضريتها بالهزايم
من يوم بان الفجر لين اعتلى الضحى=وحنا نقلط للمسير عزايم
والله عطانا منصب الحق والظفر= يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذاك اسير وذاك يومه دنابه=وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العضايم
الراس شاب وثالثة رجلي العصا=والله يوقظ قلب من كان نايم
لعل قبل الموت نسمع بشيره= بجاه من يحي العظام الرمايم
وصلاة ربي عد ما ذعذع الهوا=على النبي واصحابه اهل الكرايم
وانا ابن سرار علومي قديمه=( محي عسرها طيب الليالي القدايم)

صح لسان شاعرها وتسلم يمينك يابو ضيف الله على النقل ..

سلطان الميزاني.

صح لشان الشاعر ومشكور اخوي بن مصاول

أخوي سلطان وأخوي وائل أشكر لكما مروركما ولا هنتم