السلام عليكم ورحمة الله وبركاته
حلمت ياشيخ اني نزلت من الدرج ودخلت الصالة وكنت منصدمة من شكل البيت الجدار مشطوب والبوية نصها مقروشة رغم كان شكل البيت مرة حلو
نزلت امي من الدرج بعدي وقلتالها :اش هدا واشرت على الجدار؟؟ قالت شفتي..(تقصد انها من عين جدتي)
وشفت على باب الحمام عصا جدتي وقلت بناخذ الاثر راحت امي وجابت سطل فيه ماء ورحت انا اجيب العصا بس من السرعه اخدت حاجه جنب العصا شكلها زي المطرقه وحطيتها في الماء والصابون بعدين انتبهت انها مي العصا شلتها من الماء ورجعتها واخدت العصا ووصلت عند امي واختي وسطل الماء لقيت امي واختي يمسحون من الماء على الجدار وزدت غطست العصا في الماء بس بعد ما طلعتها تحولت الى مشط حدايق صغير فجأه سمعت اختي الثانية جالسة مع جدتي في المطبخ الاول (تتنحنح)وعرفت ان جدتي جايه اتجاهنا راحوا امي واختي الكبيرة يشغلونها عشان ارجع المشط رحت للحمام وغسلت المشط(الي كان العصا)ورجعته مكانه قدام باب الحمام ورحت اسعى الى المطبخ الثاني ودخلت فيه وكان مظلم وجلست فيه
مرت جدتي من الصالة وحست في حاجة بعدين طلبت دبوس دخلت امي المطبخ عندي ودورت دبوس بس مالقيت وكانت جدتي تدور في الصناديق الي فوق الطاولة في الصالة (وهذا كله بس عشان بتعرف من في المطبخ)
انتهــــــــــــــــــــــــــــــــــــــــــى
***************************
الحلــــــــــــــــــــــــــــــــــــــــــــــ ــــــــــــــــ2ـــــــــــــــــــــــــــــــــ ــــــــم
حلمت ان اناو خطيبي وابوه كنا في حوش مرة حلو مليان شجر كثير كان خطيبي وابوه واقفين بعيد عني بشوية كانوا يتكلمون وكنت مستغربه من شعر خطيبي كان لنص صدره جايبه لقدام وكنت اقول في نفسي موهذا الوقت وقت دراسه طيب ليه مطول شعره؟؟؟ فجأة سعى خطيبي وسعى ابوه وراه يبغى يمسكه اخذو الفه الاولى بعدين مسكه ابوه ومشوا باتجاهي ومسك ابوه يدي بيد واليد الثانيه ماسك خطيبي ورحنا نمشي وجلس خطيبي وابوه على جدر حوض الزرع بس انا ما جلست وقفت واطالع فيهم وكانوا يتكلمون بعدين قال لي ابوه(انتي لازم تكوني معنا في كل حاجه)ابتسمت وسرت اطالع في الحوش بعدين في احد عضني في نهاية الساعد( المنطقه الي قدام الكوع في اليد) التفت مستغربه بس ماادري هل هو خطيبي او ابوه بس الي متاكده منه ان واحد منهم الي عضني بس ما عورتني
بعدها حسيت ان الحوش كل ماله يكثر فيه الرجال دخلت البيت ورحت جنب الشباك ومعي وحدة من اخواتي وكان شيخ قبيلتنا يلقي كلمه بمناسبة انه حج وكان فيه رجال يوزعون ماء زمزم وقلت لاختي هذي الهداية الي جابها من الحج؟؟
وسرت اناظر بعيني بين الرجال ادور على خطيبي بس مالقيته ...وسرت اقول في نفسي اكيد انه راح
« آخـــر الـــمـــشـــاركــــات »
غير متواجد حالياً
الرجاءء التفسيرر؟؟
رد: الرجاءء التفسيرر؟؟
