رؤى للــوالدهـ .. ارجو التفسير

السلام عليكم ورحمة الله وبركاته وجزاك الله كل خير على جهودكـ..

رات الوالده رؤيتين

الاولى : رات حرمتين وحده اسمها فاطمه والثانيه نور تعرفهم بس انها من زمان عنهم شافتهم عند جدار هذا الجدار حق الحرمتين بس مهدود وسالوا امي من الي هد الجدار وقالت امي مااعرف والعائله الي تدورون عليهم راحو وقالت امي لي ولاخواتي هذي فاطمه بنت حاسن ونور نظفوا البيت وكانت امي محرجه ان البيت وسخ قالو احنا بنصلي ودخلتهم امي في البيت كان كبير بس وسخ وراحت تجيب لهم سجاجيد صلاه وكل ماتفرد سجاده تلقى في السجاده تبن(نوع من علف الحيوان) وكانت امي وانا وثنتين من اخواتي كنا ننظف في البيت لكن الوسخ كثير وكل مانروح لمكان في البيت نلقاه وسخ ووحده من الحرمتين طلبت امي مكنسه وقالت امي والله ماعندي الا مكنسة هوفر ويبغالها عداد كهربه قوي وفجاه سمعت امي في غرفه صوت كلام وطالعت لقيت حرمتين اساميهم الثنتين عائشه ووحده جدتي ام ابويه والثانيه نعرفها وكانت تطالع في امي وتضحك وبعدين ركب ابويه وامي في سياره جيب حقت ابو خطيب اختي وعايلته راكبين ورا وكانت مع امي وابويه بنت صغيره في الكوفله مره حلوه ولقيت امي علبه فضي واعطتها خالتها وقالت لها هذي فيلم كاميرا حق شغالتكم وبعدين مشوا شوي وشافوا شباب يجرون رايحين الوادي وشكت امي فيهم قام رد ابويه قال لا ذولا رايحين يجيبون لنا فاكهه من الوادي وبيقابلونا على الشارع عشان يعطونا اياها وبعدين امي شافت ولد خالها(ابو خطيب اختي) قاعد يتكلم عن ولد اسمه احمد ويقول ان الفاظه بذيئه وكان يتكلم معاه وقالت امي لولد خالتها انتبه لايغلط عليك بعدين احمد صار يتكلم معاهم بادب كانه انحرج من نفسه..انتهى

رات هذي الرؤيا البارح قبل ماتصلي قيام الليل.


الثانيه: شافت امي حرمتين جايين من فرح ووحده كبيره في العمر والثانيه شابه وعزمتهم امي عشان يتقهون عندها ودخلو وجلسوا في البيت وكان وسخ وحطت لهم امي سمن وعيش(خبز بس امي مسويته) واخويه حط جبنه غنم بلدي وكانت يصب عسل ويقول لامي كلي انت واياهم وكانت امي تاكل من السمن والعسل بالعيش وكان يطلع لها العسل صافي بدون سمن وتاكل معاه جبنه وبعدين صاحب اخويه اسمه سعد ينادي على اخويه وراكب سياره اخويه وكان فيها 3 بنات صغار 2 بنات اخو سعد ووحده ماتعرفها وكانت امي تقول للبنت الصغيره دخلي رجلينك لاتطحين والسياره تمشي لان البنت كانت ماده رجليها...انتهى

ولما صحيت امي كانت تحس بطعم العسل والجبن في فمها..انتهى رات هذي الرؤيا اليوم
بعد صلاة الصبح

شـكــ وبارك الله فيك ـــرا لك ... لك مني أجمل تحية .

كيف صحت الوالده ياأختي هل تعاني من شئ

المشاركة الأصلية كتبت بواسطة أبوقتاده

كيف صحت الوالده ياأختي هل تعاني من شئ

لا ولله الحمد بس عندها قولون عصبي واحيان تشتكي من رجولها واكتافها

بس امي شايله هم اخوي زي ماذكرت مايجينا ومو متوظف ولامتزوج وهي راحتها مرتبطه بصلاح حال اخوي..اتوقع لوحال اخوي يتعدل امي راح يتغير وضع امي نهائيا للافضل طبعا..

نعم واضح من رؤيا الوالده الأولى أن عندها هم بخصوص أحد في البيت ولعل المكنسه في البيت ترمز الى قرب زوال هذا الهم عنهاوركوبها في السياره إنتقالها من حال إلى حال أفضل والعلم عند الله

أما الرؤيا الثانيه فهي بشري لأمك بشفائها مما تعاني وأيضا بشرى لها برزق طيب وأيضا بشرى لأخيك بأنه سيوفق في حياته وسيصاحبه السعد ويتغير حاله إلى الأفضل ويكون محظوظ ماشاء الله رؤيا خير