أطفال الثمانينات يذكرون هذه الصورة جيدة

من جيلنا نتذكر هذه الصورة جيداً .


أقصد الثمانينات الميلادية




ماعاد شفته فالسوق من عام 1407 هـ

الله المستعان صدقت الى طلع في ذاك الوقت اكييد بيتذكرها وخاص الى عاشو احلى ايامها

ايام الطفوله .. سبحان الله الحين تغير كل شي

يعطيك الف عافيه اخوي سالم

لكن يامواعيدك سراب هل أدركت تلك الحقبة الزمنية .

من الصور القديمة في تلك الايام ولو أننا ماحنا من جيل السريلاك والنيدو لكن كنا نشوفه في البقايل ونتذكر شكله جيد , وستعود بكم الذاكرة لتلك الصورة :

كذلك صورة للبن الصافي يتذكرها الكثير من أدرك ذلك الزمن :







لكن يقال أن شكله قريب من هذا ولم نلحق عليه لأننا صغار وتم تغييره عام 1400 وهو بهذا الشكل :

يا هوووووووووووه يا سالم الله من أيام البسكويتات وأذكر ان والدي رحمه الله كان لديه بقاله وكنت هاك الأيام انا الكاشير وكل البسكويتات ناقصه من الأكل والمباشره على الشباب <<<يعني بالعربي خسرنا الشايب الله يرحمه

الشكر لك أخوي سالم على هالصور الجميله من التراث اثرك منت بهين هاك الوقت راعي بساكيت
ولاكن اخوي سالم انك تقول ان لبن الصافي تم تغييره عام 1400 ومالحقت على الشكل القديم
يعني عام 1400 كم كان عمرك اذا مافيه احراج وشركة الصافي للمعلوميه لازالت توجد الصوره اللي على
العلبه على لوحة الشركه بالملز بالرياض طبعا الموقع القديم ومهجور ولازال اللى الان لم يزال
دمت بخير http://almouazeen.com

الأخ ساكب الحرف

عام 1400 لي 3 سنين , وبدو في بران نجد مانعرف صافي ولامراعي ماغير حليب الغنم فالسعن .

المشاركة الأصلية كتبت بواسطة أبن مصاول

يا هوووووووووووه يا سالم الله من أيام البسكويتات وأذكر ان والدي رحمه الله كان لديه بقاله وكنت هاك الأيام انا الكاشير وكل البسكويتات ناقصه من الأكل والمباشره على الشباب <<<يعني بالعربي خسرنا الشايب الله يرحمه

الله يرحم شايبكم .

لكن وش تذكر من بساكيت هاك الايام أنت لحقت على وقت سبقنا وفي عنيزة أكيد أن فيها هالاشياء في ذلك الوقت .



أما حنا ماعرفناها الا يوم نزلنا قريب من القرى اللي أنت خابر .



ورؤية الصورة أعادتني الى وقت جميل مر علينا .

المشاركة الأصلية كتبت بواسطة سالم رباح

لكن وش تذكر من بساكيت هاك الايام أنت لحقت على وقت سبقنا وفي عنيزة أكيد أن فيها هالاشياء في ذلك الوقت .

.

منها بسكوت مينو ويفر الشهير تجدون صورته هنا الأخضر والواقون ويهييلز wagon wheels <<<بالعربي عجلات العربه والمثلثات