قصيدة الشاعر العذب / مشعان الرخيمي في الدكتور / عبيد الوسمي

قصيدة الشاعر العذب / مشعان الرخيمي في الدكتور / عبيد الوسمي

الشاعر اللي يعيش الكذب في دمـه=يمدحـك لا والله الا يمـدح ريالـك
مثله فلا تلتفت فـي مدحـه وذمـه=خله على فاله وخلـك علـى فالـك
لكن انـا شاعـر يصـدح ولاهمـه=غناله الصدق يـوم الصـدق غنالـك
ياعبيـد يادرعنـا ياشامـخ الهـمـه=المجد حاول يطولك ميـر ماطالـك
وقفتك راس الفخر في ذمتـي ذمـه=وطيحتك وقفة شرف في وجه عذالك
وقامتك قامة شجـاع يعشـق القمـه=تبطي عواصيفهـا مادكـت جبالـك
الاجنبي وده انـك مـن بنـي عمـه=مالوم ربعك مطير تشوش ل افعالـك
اي بالله نشوش غصب ونحذف العمه=مافيـه مـجـد تلـيـد ماتهيـالـك
ان طال ثوب الحكي ولاقصر كمـه=الحق راسخ وصرح الظلـم متهالـك
ومع احترامي ل اعضاء مجلس الامه=انشهد انـك تمثـل مجلـس لحالـك

.

بيض الله وجه الشاعر على هذا النص الشجاع والصادح بالحق ,
وصح لسانه مدٍ بلا عد ..
والله ينصر الدكتور عبيد ويفك أسره ..

وشكراً ولاهنت على الإيراد أخوي ابن قينان ..

صح لسان الشاعر مشعان الرخيمي
وبيض الله وجهه على هالقصيده
والحميه اللي ترفع الراس
ومشكور يابن قينان على نقلها لنا
.

بيض الله وجه الشاعر على هذا النص وشاكر لك نقلك لها

بيض الله وجه الشاعر مشعان ع هذا القصيدة

لاهنت اخوي ع نقلها

صح لسان الرخيمي ويستاهل الدكتور عبيد الوسمي http://www.freeobaid.com/ واللهم فك أسره.