الحال من قسوة غيابـك يناجيـك

لا من طفا يا شمعة الدار نـورك
يغشى الظلام عيون من كان يغليك
البارحة حنيت. ودي بحضـورك
من كثر ماوقتي قضى في حراويك
سرحت أفكّر في هواك وشعـورك
واحاول اني افهمك ليـه وشفيـك
عجزت انا اقرا ما خفيت بسطورك
غامض ومن تاه بمحبتـك يبكيـك





ما عدت انا اهتم لعذابك وجـورك
جت لي مناعه من كثر ماني اغليك
والرغبه اللي وقفت دون سـورك
ودي تجيبك لو هي العمرترجيـك
يا اول غرامي ليه زايد غـرورك
وانت بحياتي ما به أحْد ٍيساويـك
الروح تشكي سيدي من قصـورك
والعين تذرف دمعها من مساريـك
قمة غرامي يوم انا فـي بحـورك
غارق بحبك لين قلبي هوس فيـك
رغم الألم والشوق يشكي كسورك
ورغم الجفا بالروح باقي مراسيك
يبقى الغلا في غيبتك في حضورك
والحال من قسوة غيابـك يناجيـك

تسلمين اختي ع الكلمات الرائعهـ

كلماااااااات راااائعه ...وطرح مميز
يعطيك العااافيه اختي