عبرة هل التقوى

يقول الشاعر : رجا الله الحبلاني المحمدي الحربي شاعر المحاورة المعروف رحمه الله

البارحه يوم اقبلت يوم قـفت=عبرة هل التقوى وفتنة هل الغي
صحيت من نومي وقمت اتلفت=تقل انتظر لي شي ومضيعٍ شي
من روعة الموقف عضامي تعفت=وكن السلاسل في يديَّه ورجلي
واللي مروعني عنودٍ توفت=من موتها حيه وميتٍ لها حي
فترة عزاها عيد غنت ورفت=له معظم احساسي والاعلام بيدي
والثانية شبيت ناري وطفت=في ضو نارٍ والعه ضيها ضي
منها برد حامي وبردا تدفت=وعظم الذبيحة مستوي واللحم ني
وضليت اصاليها وشامت وعفت=جوارحي لا تشتكي الحرق والكي
وابغى محاسنها وعني تخفت=واجحد مآسيها ومتباينة في
وحاولة فرقاها وثقلت وخفت=لا فزت في هذي ولا جزت من ذي
وابستشير اللي صفت له وصفت=بحور عرف وروس تامر وتنهي
وأخذ من الدنيا تجارب وكفت=وبالعشر تبصم له عوارف وتمضي
أبو محمد عزوتي لاستلفت=علي عدواني وبار الدهر بي
ملجاي لامن السنين اشلحفت=وصارت علي ظروف لاهي ولاهي
وريف الخوي بيت الكرم لاستحفت=دنيا الكرام وصارت أسوأ من السي
طويق لامن العقول استخفت=زبن الدخيل أول وهالحين وشوي
عِد الروى لا ضحضح الماء وجفت=كل العدود وطويت الارشيه طي
وان ثقلت القالة ودارة ولفت=يطلع بها القمه ويارد بها المي
وان عمست الارياء وهفت وزفت=رايه صواب ومخطي الراي مخطي
حربي على رايه وشوره تشفت=روحي وتوجيهه ورايه فخر لي
وان جات اشاره منه كفت ووفت=ويعبر بها البابور مع غبت دبي
رحلة عمر كان اقبلت كان قفت=عبرة هل التقوى وفتنة هل الغي

ورد عليه أبو محمد بالتالي:

يابو علي نصف المصابيـح غفـت=وزاد الظـلام بليلهـا يابـن عمـي
شفت الصقور آلي بالجنـاح رفـت=وشلون ولدِ الصقر يمشي ورأى الفي
ذيك العنود آلـي بـدت ثـم هفـت=قبلي وقبلـك متعبـة حاتـم الطـي
ياسرعها يوم أد بحـة يـوم دفـت=ما دونها من سـد وعقـود ولـوي
بعد الحثـر تسلـك طريقـاً مزفـت=وتضحك على اهل الغي بحدي ومدي
صورة على شفاف شفـتَ وشفـتِ=أقسى من الفولاذ والين مـن المـي
دارة على بعـض المـوارد وحفـت=يا صلبها راعي الولع قصـر بمبـي
يا طول مـا بيـن الجماهيـر زفـت=تضحكلهم ساعـة وساعـات تبكـي
كان العدود آلي بها الجمـة اصفـت=تلقا ارقوم الميت اكثـر مـن الحـي
يـا كثـر مابيـن بالأيـام واخفـت=تلعب عليهم قصـة كليـب وجـري
بعد الصفاء صارت اتقطـع وتفـت=عجـزت تخليهـا المحييـل تمشـي
النـاس للهرجـات قامـت تخفـت=واليـا نشتـه قالـك بـي مـا بـي
يـا ربنـا تهـدي قلوبـن تجفـت=على طريق الخيـر تأخـذ وتعطـي

الشاعر / سعيد ثويني المحمدي