قصيده موجهه الى كل ميزاني

سلام تسليمةٍ بالهيل والبنا=
تشبه قناد اليمن في وسط فنجاله=
من شاعرٍ يضبط الطاروق لاغنّا=
يطرب له المستمع من زين مواله=
بديت قافٍ جديد وصيغته انّا=
وفي مدح ربعي باصوغ القاف وامثاله=
حنا الموازين حماية ضعاينا=
يوم ان كلٍ يشوش بخيرة افعاله=
حناهل المرجله واهل الكرم حنا=
وحنا هل الفعل رجليه وخياله=
لاصار وقت المزاحم ماتهاونّا=
نقلط على الاوله لو كبرت القاله=
والتايهه والخطيه ماتجي منا=
وخصيمنا دائماً في وضع يرثاله=
ون عودت للفخر معروف معدنّا=
حنا الموازين للانشاب حلاله=
ون جا نهار التحدي كلنا بنّا=
واللي يجي قدمنا مافالكم فاله=
نكسب جميع الرهان ليا تراهنّا=
واللي مشكك يجي ويحط معداله=
بالوقت الاول ضعيف الناس يزبنّا=
دخيلنا دايم نحقق له آماله=
واليوم بعض العرب عينه تعاينّا=
يقول اناباحث التاريخ واجياله=
اقول يالربع لاهنتو ولا هنّا=
بعض العرب لو يريح باله اشوا له=
التفرقه ياجماعه ماهي بلنّا=
وبعض الدعاوي تراها تنحسب عاله=
تبا تضيع الامور ان ما تعاونّا=
لا صار كلٍ يقوم يصرح لحاله=

صح لسان الشاعر وتسلم يمينك يابن غلاب على النقل ..

سلطان القحم

القصيده من نضم بن غلاب ياسلطان

اشكرك على المرور الكريم

نشكرك يا بن غلاب والرسالة مفهومه

تبا تضيع الامور ان ما تعاونّا
لا صار كلٍ يقوم يصرح لحاله

نعم تبي تضيع والمهم التعاون لنصل الى شط الأمان وليس أن نقف موقف السالب ..

وصح لسانك يا بن غلاب

أبن مصاول

حنا الموازين حماية ضعاينا !!!!!!!



تلك الشجرة المثمرة التي يرفض البعض ان يستظل بظلها .





تناقض كبير بين ماطلبت سابقاً وماتقوله الآن .

ايها الأخ العزيز وأبن العم القريب والذي هو لحمنا ودمنا .

التفرقه ياجماعه ماهي بلنّا
وبعض الدعاوي تراها تنحسب عاله



تبا تضيع الامور ان ما تعاونّا
لا صار كلٍ يقوم يصرح لحاله

بيض الله وجهك يالدليقاني .. انشهد انك جبتها موزونه

صــح الله لسآنـك يآولـد العــمٍ ولآهنــتٍ

بن مصاول
اشكرك على المداخله
واهنئك على الاسلوب الرائع
دمت بود

سالم بن رباح
ماتفضلت به يعتبر وجهت نظرك الشخصيه

راس الضلع
اشكرك كل الشكر يابو احمد على المداخله والاشاده