القـهــر أنك على قلـبي تمـون

--------------------------------------------------------------------------------

كنت أظن إنك وفي مخلص حنــــــون
ما حسبت حساب غـــــــدرك أو جفاك ..

كنت وحدك ساكن بوســـــــط العيون
لا وربي مـــــــــــا سكن عيني سواك ..

كنت أبادلك المحبه والشجــــــــــــون
و قلبي بيدينه مفاتيحه عطــــــــــــاك ..

كنت في دنياي أجمل ما يكـــــــــــون
كنت دايم أرتجي وأطلب رضـــــــــاك ..

ليش كل هذا التجــــــــــــافي يا فتون
بعت من حبك وبعيــــــــــــونه شراك ..

كنت ما أزعلك وكلهم يزعلــــــــــون
كنت أنا بالنسبه لجروحـــــــــك دواك ..

يا حسافه كيف عشرتنا تهــــــون
كيف تنسى اللي دقيقه مــــا نساك ..

كنت أنا ويــاك صحرى مع مزون
لو عطشت القلب مـــن دمعه رواك ..

وصرت أنا العطشان أطلب منك عون
ليش تحرمني في عزالضيــــم ماك ..

قلبك بكيفه يخـــــون والا يصون
هذا عمرك وإنته أدرى بمستـــواك ..

بس جاوب كل منهم يسألــــــون
أحسن أسكت تـــدري الكذب يعداك ..

القهر إنك على قلبي تمــــون
لو طلبت إحســــاس قلبي قلت هاك ..

والقهر إني أحبك وبجنــــون
يا حسافه ضاعت أيامـــي معاك ..

ليش خيبت بمحبتنا الظنـــــون
ليش ما بادلت من حبك هـــــواك ..

ليش كنت تحلف بحبي ما تخــــون
وإني في عينك أنا أجمــــل ملاك ..

كنت أظن إنه العـــواذل يكذبون
كان قلبي وكل إحساسي فـــداك ..

ما هقيتك يوم يالغـــالي تخون
ليت كل الناس خانــوني معاك ........!

دمتم بود

أبو ملاك مشكور على النقل الرائع لإحدى روائع الشاعر الإماراتي طارق المحيـاس..


صراحة هذه من اجمل قصائده على الإطلاق


تقبل مروري وشكري


أبن مصاول

صـح لسـان الشـاعر الاماراتي
طارق المحياس

ومـشكـووور ع النقل...ابوملاك

تقبل مروري
مطيـريه بالزين مبليه

سلمت انــامــلكــم


يعطيكـ العافيه أبن مصاول

ومشكور على مروركـ

ويعطيك العافيه اختي

مطيريه بالزين مبليه
ومشكوره على مرورك

السلام عليكم

اخي ابو ملاك نقلت فابدعت سلمت يمينك


حفظك الله

صــــح لــســـانك يابو مــلاكـ


وننــتظــــر جديـــدك

قصيدهـ جاااات ع الجرح

يعطيك العافيه ابوملاك ع النقل الاكثرمن رائع


تحيـــــا تــــــــــــــي

القهر إنك على قلبي تمــــون
لو طلبت إحســــاس قلبي قلت هاك ..

مشكور يا أبو ملاك على النقل الحي المباشر من مباراة ............. (متأثر!!!)
ألف ألف شكر...

سلمت يمنآك يبو ملآك ..