النساء المتزوجات وفلاح بن عريج

الشاعر والزميل المبدع واحد شعراء مطير في شاعر المليون بنسخته الثانيه فلاح بن عريج الميموني أحد الشعراء المبدعين القلائل في هذا الوقت..

وفي قصيدته هذه ينقلنا الى اجواء واحوال النساء المتزوجات فلننطلق مع الشاعر..والشعر

بعض النساء تجلب على بيتك الخيـر=والبعض منهن لـك تجيـب النكـاده
والبعض منهن مثل وصف النواويـر =ومع العقل والزيـن فيهـا الركـاده
والبعض منهن يستر الحـال تستيـر =لوهي تعيش العمـر صبـر وجـلاده
والبعض منهن عقلها يـوزن النيـر=ومعها على تـاج الرزانـه شهـاده
وبعضهن احلى من حليـب المغاتيـر =واحلى من الطايـف ونفحـة بـراده
وفي مجتمعها تمشي ابحسـن تدبيـر =عقـلٍٍ رزيـن وفـي حلاهـا زيـاده
وبعضهن اينومسك عنـد المساييـر =والبْـن فالدلـه اتظـبـط اقـنـاده
وبعض اللسنتهن مثل وصف المناشير=والبعض منهن طايـشٍٍ فـي عنـاده
والبعـض منهـن فكرهـا بالدنانيـر=قشـرا وشوشتهـا سـواة العـراده
والبعض منهـن مايكـب المشاويـر= وفيها التغطـرس والغبـاء والبـلاده
وهذي هي اللـي تستحـق البواكيـر=حيـث انهـا للسـوق فيهـا عبـاده
والبعض منهن عايـشٍٍ دون تفكيـر=وان شفتها منتـه ب ويـا السعـاده
وان رحت عنها ولعت فوقك اسعيـر=وشنت عليك الحرب حـرب الابـاده
واللي ماصار اترهمه غصب ويصيـر=ومـن جورهـا لازم تـزور العيـاده
والبعض منهن دايم اقدامهـا اتسيـر=علـى امـهـا والام راس القـيـاده
وتنفـذ اللـي تسمعـه دون تاخيـر=وترسم امخططهـا لفـرض السيـاده
واليا حصل من بينكم شـيٍٍ اصغيـر=تفيـد منهـو ماطلبـهـا الافــاده
وتوافـي اهلهـا بـكـل التقـاريـر=ليـن الرجـل يعـاف شربـه وزاده
واليـا ظربهـا كـف مالـه معاذيـر=راحت هو ياكل عشاء البيـت سـاده
راحت طمـوح وبلشـوه العصافيـر=ومن همهم حـارب منـام الوسـاده
وان جاء يرجعهـا عيونـه مطاييـر=قالوا قبـل ترجـع تجيـب القـلاده
وسبحه من الأربش وأطقم أساويـر=ومن جورهـن لا واعنـاه وهجـاده
وان كان ماانسابك ارجـالٍٍ مناعيـر =هيجـن وهوبـل ياحيـاة الـقـراده
وارجو السموحه من جميع الغناديـر =وهن الأصل منهـن للاقطـار سـاده
ومصنـع رياجيـلٍٍ تقـود الطوابيـر=والحـرب تقـدح للمعـادي ازنـاده
والمعذره وان كان بالقـاف تقصيـر=وماكل من يجهد نجح فـي اجتهـاده
وللكلمه الجزلـه زبـون وجماهيـر=وقول بـلا حكمـه مافيـه استفـاده
والله يجعل لي مـن الذنـب تكفيـر=يوم ان راع الـزرع يلقـا حصـاده
ويرسل على الانذال زلـزال كشميـر =حتى الفلل تصبـح سـواة الرمـاده

وبعد ما حشرهن أبن عريج أخر شئ سوى تراجع تكتيكي حيث قال:

وارجو السموحه من جميع الغناديـر =وهن الأصل منهـن للاقطـار سـاده
ومصنـع رياجيـلٍٍ تقـود الطوابيـر=والحـرب تقـدح للمعـادي ازنـاده

رهيب يا فلاح ..

أبن مصاول

شكرا لك على هذا الأختيار المميز

روعه فيما نقلت لنا

جعل يمناك سالمه

تقبل شكري وتقديري

بن منديل الخالدي

قصيده قمه في الروعه


الله يعطيك الف عافيه

.حتى الان لم يفهم ا لرجل المرأ ه.

وان كان ماانسابك ارجـالٍٍ مناعيـر
هيجـن وهوبـل ياحيـاة الـقـراده

صح لسانك
يابن عريــج


وابن مصاول عودنا
على اختياره المتميز دائمــا
وكلمــه شكر لاتــوفئ بحقه

تقبل مروري
وفائق احترامي وتقديري

المشاركة الأصلية كتبت بواسطة تركي فرحان المنديل

شكرا لك على هذا الأختيار المميز

روعه فيما نقلت لنا

جعل يمناك سالمه

تقبل شكري وتقديري

بن منديل الخالدي

أخوي تركي مرورك بحد ذاته هو الروعه فلك كل الشكر وإن شاء الله اكون قد أدرجت ما حاز على رضاكم

أبن مصاول

المشاركة الأصلية كتبت بواسطة حلا نجد

قصيده قمه في الروعه


الله يعطيك الف عافيه

.حتى الان لم يفهم ا لرجل المرأ ه.

الروعة هو مرورك اختي حلا نجد أشكرك

والرجل فاهم المراءة جداً..جداً ولكن ليت المره ترحمه شوي

المشاركة الأصلية كتبت بواسطة سيف الشجيع

وان كان ماانسابك ارجـالٍٍ مناعيـر
هيجـن وهوبـل ياحيـاة الـقـراده

صح لسانك
يابن عريــج


وابن مصاول عودنا
على اختياره المتميز دائمــا
وكلمــه شكر لاتــوفئ بحقه

تقبل مروري
وفائق احترامي وتقديري

لا شكر على واجب اخوي سيف الشجيع وإن شاء الله انقل ما يحوز على رضاكم جميعاً فهي غايتي

أشكرك على مرورك المميز دائماً


أبن مصاول