اقرب شاعر

بسم الله الرحمن الرحيم

السلام عليكم ورحمة الله وبركاته

بعد الغيبه ودنا بطارووق

والطارف حيااه

خلووووووووووووووووووووها

سلامي سلام اسلام من قلب ولسان = على اللي لهم بالقلب قدر ومكانه
انا ابمتطي خيلي وكلً له حصان = على الفارس المغوار يلزم عنانه

حياك يا عبدالمجيد وأهلاً وسهلاً بك وأنا والله اني شايف مداخلتك من البارحه ولكنني ما بغيت اتعرضك لأنني يجب علي متابعة الموضوع وانا والله هاليومين مشغول حدي ...ولكنني قلت ما من بد لازم نلاعب الظويفري خاصة أنك شاعر قلطه مجيد ...

هلا بك هلابك يا عظيم القدر والشان=نرحب بجيت من لعب به زمانه
وهو مادرى أن الدار في وسطها ميزان=وجاين من الظفران مالي كنانه

البقا يابن مصاول

والله يعينا على مجاراتك وانت من الناس اللي استفدت منها الكثير

والعين ماتعلى على الحاجب

يدوم البقا والبيت وافي ومليان = وانا شاعرً ويعدك اكبر خوانه
كساك الفخر والنعم في كل ميدان = وحنا لنا بالوقت نفس البطانه

ومن قال به البقاء وانا يسعدني ان تكون انت محاوري..

أنا يوم شفت البيت من شاعر(ن) فنان=تذكرت وقت فات والطيب زانه
ألا يا نديم الخير قم صلح القيفان=نبيها تجي عدله ولا هي بشانه

الله الله

استلم يالغالي

ترى الشعر نرثه من سلايل وجدان = وكلن على ماقيل يحكم لسانه
يقولون غيب الوقت بالوقت ينبان = وانا اقول يارجال صدر بيانه

الله..الله..صح لسانك

كفوا يا سليل المجد يا الذيب يا كحيلان=ومن لا يحكم القول زايد جنانه
هذا درب خير وذاك يمشي به الخسران=وحذراك من يمشي بشر ولعانه

تصبح على خير وبكره لنا لقاء

الله الله

صح لسسسسسسسسسسسسسسسسانك

على الحجه اللي مالها اي برهان = قضينا بعز ولا نوينا الخيانه
علام البشر يالقرم ترخي بالاذان = تبا العلم لو من قال ماهو تكانه

وااافي واستاذ يابن مصاول
صح لسانك سامحنا على القصور
______
والساري يلقى خير والختام عندك يالغالي
والدعوه لعب وماهو اهم من الاشغال
واعذرنا عطلناك عن ارتباطاتك
لكن يعلم الله اني ما العب في هذا المنتدى الا لمعزتكم وحقكم علي

لكم خالص تحياتي واحترامي

المشاركة الأصلية كتبت بواسطة عبدالمجيد الظويفري

وااافي واستاذ يابن مصاول
صح لسانك سامحنا على القصور
______
والساري يلقى خير والختام عندك يالغالي
والدعوه لعب وماهو اهم من الاشغال
واعذرنا عطلناك عن ارتباطاتك
لكن يعلم الله اني ما العب في هذا المنتدى الا لمعزتكم وحقكم علي

لكم خالص تحياتي واحترامي

والله أنا طال عمرك هاليومين ولي فترة مشغول جداً وأنا مسرور بالمحاورة معك وانت صاحب دار واشكرك على تنشيط قسم الحاورة في منتدانا وانت من الشعراء الذين نحبهم ونحب محاوراتهم

مشينا مع الطاروق ونجاوب الألحان=وناخذ من القول الحقيقي سمانه
ولكن نبي ننشدك وش ذنبه الأنسان؟=يشرد من الأوطان والغرب خانه

وسلامتك