قصيدة الذيبه..(بنتـــك إلا منـــّه عــوى الذّيــب (ذيبه ))

قصيده من بنت لأبوها

يابــــــوي جعلك للبقــــــا والمكاسيــــــب=عمـــري بدونك يالــذ ّرا ويـــش أبي بــه
يابــــوي تســـأل عن شفـــــاك المراقيب=طلعــــة ســــــواتك للنــــّوايف غريبـــــه
ليــــه المـــــرض مايعرف الزّيـــن والعيب ؟=مــــايدري انك للمخـــــــــاليق هيبـــــه !!
أبســــألك وش بــــه غـــزا وجهك الشيب=والقـــلب لايــــع والنـــــواظر شحيبـــــه
وش بــــك تحــــاتي لانــــوى الموت تغريب=تخشــــى عليــــنا من الليـــّالي الكئيبـــــه
خـــذ دلــّتك واركـــــى على مسند الجيب=وعطنــي شمــــاغك بلثمـــــه وأحتمــي به
ونـــروّح لأرض ٍ بهــــا العشــب والطيب=وتسمــــع كلام ٍ يالغــــلا تحتفـــــي به
يابــوي بنتك لاانحكـــــى بالتــّجاريب=كـــل ٍ يشق لهيبــــة الصـــّيت جيبـــه
يابـــوي مـــاني من ســـوات المخاريب=اللـــّي تجيب لعليــــَة القــوم خيـــــبه
ومــاني من اللــّي لامشت حفــّها الرّيب=أنا مـــن اللــّي مايـــدنـــّس حليبـــــه
مـــرفوع شـــاني عن غــرام المكاتيــب=وأكبـــر من انّني أرتضـــــي بالحبيبه
أنــا غرامـــي لاابتـــــدوا بالــتّراحيب=نفوس الأوادم في وجـــودي رحيبــــه
وان كـــان زينـــــي فتنـــة ٍ للمــصاويب=أحــــط وجهـــي بالحــــريق ولهيبـــه
زينـــي أبيعـــه وأشتــــري سمعه الطّيب=اســــم ٍ ينـــومس بالصـــّروح الذ ّهيــــبه
وان كـــان عندي ( بالحـــلا) شي ٍ اصعيب=عندي جــــدود ٍ مارضــــت بالغليبـــــه
دمــــع القبايل في لقـــانا مســــاكيب=كــــن المقــــابر لاحضـــرنا قريبــــــه
خضـــّبت لك كفـــّي من العـــز تخضيب=ورفعــــت راسي للنــّجوم الصــّعيبه
واللــــه لأســــدّك بالفــعول المصاليب=واللـــــه لأشيـــلك بالرخـــا والمصيبه
طــــلع المعــالي ماانحكــــم للشــّواريب=بنـــت ٍ وأنـــــاطح فارس القـــوم طيبه
وياشيخـــي إبشــر لوتدور الدّواليـــب=بنتـــك إلا منـــّه عــوى الذّيــب (ذيبه )

من بريدي

صح لسانها
مشكور اخي ابن مصاول على النقل المميز
تحياتي لكـ،،،

انا اشهد انه كفو وبنات زمان بعضهم اطيب من الريجيل

والصورة التي بهذه الابيات تدل على ذلك

قصيدة جميلة سلمت يداك ابن مصاول

صح لسانها
مشكووررأخوي ابو ضيف الله

مشكووررأخوي ابو ضيف الله على النقل

الأخوان فهد بن صحران,أبوتركي,ماهر المطيري و ابن غلاب أشكركم على مروركم وتعليقكم المميز وإن شاء ننقل ما يحوز على رضاكم

لاهنت ابو ضيف الله على النقل المميز تحياتي لك

مشكور ابن مصاول على النقل المميز والله يعطيك الف عافيه ولاهنت

أبو فيحان والمتابع الصامت أشكركم على المرور والتعليق الجميل والقادم اجمل إن شاء الله