تذكرت ذكاء شاعر بعد ان اخطأ وسال حبيبته من تشبهين ؟؟
فرد على نفسه واستدرك ....
في سؤالي غبا .. لو قلت من تشبهين ؟= عيب يطري على بالي وعيب اكتبه
لو يقولون يخلق من الشبه اربعين = اقدر اقول انتي ماخلق لك شبه ..
لو طاحت نفوس الرياجيل ما اطيح = عليت نفسي للعلا واعتلت بي
اقدر ظروف الوجيه المفاليح = وابقى على هقواتا الي هقت بي
عيال رعيان الحلال السواريح = لو حصلت ضحك علي اضحكت بي
ولولا العصا .. كان الكلاب النوابيح = عن مشرب العد العذي صدرت بي
والصبر زين .. وللغنايم مفاتيح = واكحل عيون بالحسد كدرت بي
الجد زراقـي وحنـا زراريـق=والناس لنـا تعتـرف وتعرفنـا
مثل الجبال الشامخات الشواهيـق=ماهمنا صفق الهواء في طرفنـا
رجالنا معروف في ساعة الضيق=يكفي عن اللي غايبٍ من سلفنا
وافعالنا ماهـي دعايـه وتلفيـق=وتشهد لنا وقفاتنـا اللـي وقفنـا
خصيمنا يغشى من الغبن ويفيـق=لو يجتهد ماردنـا عـن هدفنـا
ماعمرنا خفنـا وعشنـا مدانيـق=الا من اللي كوّن الكـون خفنـا
يشهد لنا المعبود رب المخاليـق=اللي علـى تقـواه نحيـا ونفنـا