قصيده من قصائد شاعرنا وغالينا أبو عطالله أعجبتني وحبيت أنقلها لكم :...
البارحه يوم أدبحت نجمـة الليـل = والناس كلاً قال تصبح على خيـر
جلست انا وأهجوس صدري مقابيل = وأقبل علي من الطـواري طوابيـر
وسريتها مسرى هل الجيش والخيل = للماقف اللي عنـه مالـي معاذيـر
ماقف بني عمي زحول الرياجيـل = اللي لهم عنـدي معـزه وتقديـر
من دونهم مايبرد الجاش والحيـل = ولايتعب الاقدام طـول المشاويـر
ولاحتاج لي نخوه والا ابغا مراسيل = عيبً علي أن كان ماقف مع مطير
واليوم يوم مطيـر مافيـه تأجيـل = تكفـون ياستـر البنـي الغناديـر
أنتم هل الوقفات جيل بعـد جيـل =ومركاضكم يشبع به الذيب والطير
والوضع مايحتاج شرح وتفاصيـل =تكاتفـوا لاتحسبـون المخاسيـر