يالي علي بنظرة العين سلمت =عساك تسلم لي وتسلم عيونك
اشرت بعيونك ولو ماتكلمت= خايف مقاريد العرب يكشفونك
وانا من النظره وعينك تألمت= وبغيت اقوم وحالو الناس دونك
وراجعت نفسي ثم قلت الزم الصمت =وفكري تعلق بين صفت جفونك
وصابتني الدهشه ومن بعدها قمت= وشفت الاوادم كلهم ينظرونك
وزاحمت كل الناس حتى تقدمت =وصارو وراي الناس ويتابعونك
وطلع لي مطوع وعنده تلعثمت =رد السلام وقلت ماني زبونك
قال انت يوم انك عليها تهجمت =ماتدري ان الهيئه يأدبونك
وجاوبت 0اناياشيخ في حبها همت =قال انثبر ترا العرب يسمعونك
قلت المصيبه يوم بالصدق علمت= يامطوع الهيئه ماتعرف شئونك
قال اسحبه ياعسكري واكمته كمت= وازهم رجال الهيئه يساعدونك
والا انت ياهذا الفتى ماتعلمت =هالحين خل اهل الهوى ينفعونك
وتشتتت كل الطموح وتحطمت= ياشينها لاصار حظك يخونك
ومن عقبها ياسوق الاحباب حرمت =ماجيك مادام الجماعه يجونك
والا انت يالي بالكحيلات سلهمت= اموت واحيا في محاجر عيونك
صح لسانك واعتلى شانك يابو عيسى الله الله عليك.